KazTAG bas dırektory Aset Mataevqa qatysty QR QK-niń 274-baby (kórineý jalǵan aqparat taratý) boıynsha qylmystyq is toqtatyldy, dep jazady Egemen.kz.
QazTAG agenttiginiń dırektory Áset Mataevqa qatysty Qazaqstan Qylmystyq kodeksiniń 274-baby boıynsha qylmystyq qýdalaý toqtatyldy. Bul týraly advokat Rena Kerımova málimdedi. Áńgime kórineý jalǵan aqparat taratqany úshin jaýapkershilik kózdelgen bap týraly bolyp otyr.
«Jaqsy jańalyq ta bar. Áset Mataevqa qatysty QR QK-niń 274-baby boıynsha qylmystyq qýdalaý toqtatyldy», dedi advokat.
Kerımova Mataevtyń ustalýyna ákelgen oqıǵaǵa qatysty mán-jaıdy da aıtyp berdi. Onyń sózinshe, janjal túsinbeýshilikten shyqqan.
«Ásettiń dosy jigitterdiń birin qyzben shatastyryp alǵan. Meniń túsinýimshe, janjal da sodan shyqqan. Rasynda da, álgi jigittiń túr-sıpaty ózgeshe bolǵan: uzyn jıren shash, jıren qas, moınyndaǵy shynjyrlar jáne taǵy basqa. Túngi saǵat ekiler shamasynda, dosymen otyryp shyqqannan keıin, ústine qarańǵyda art jaǵynan kórseń, shatastyryp alý ońaı», dedi ol.
Aıta keteıik, buǵan deıin QazTAG aqparat agenttiginiń dırektory Áset Mataev ustalǵanyn habarlaǵan edik. Buǵan qatysty Almaty polısııa departamenti túsinik berdi