Qazaqstandyq dzıýdoshy Nurqanat Serikbaev Tbılısıde (Grýzııa) ótip jatqan Grand Slam týrnırinde altyn medal jeńip aldy, dep habarlaıdy Egemen.kz.
Nurqanat 66 kelige deıingi salmaqtyń fınalynda ázirbaıjandyq Týran Baıramovpen kezdesti.
Tartysty ótken beldesýde otandasymyz sońǵy sekýndtarda utymdy ádis jasap, «ıýko» upaıyna ıe boldy. Nátıjesinde altynnan alqa taqty.
Aıta keteıik, Nurqanat Serikbaev 2024 jyly Tbılısıde ótken Grand Slam týrnırinde de jeńiske jetken edi.
Osylaısha, Qazaqstan quramasynyń qorjynynda eki medal bar. Buǵan deıin Talǵat Orynbasar (60 kelige deıin) qola medal jeńip aldy.
Grand Slam týrnırine qatysatyn Qazaqstan quramasynyń tizimi jarııalandy