Mańǵystaý oblysynyń ákimdiginiń apparat otyrysynyń kún tártibinde ınfraqurylymdy damytýdyń 2015-2019 jyldarǵa arnalǵan «Nurly jol» memlekettik baǵdarlamasyn iske asyrylý barysy, Qazaqstan Respýblıkasynda dinı ekstremızm men terrorızmge qary is-qımyl jónindegi 2013 – 2017 Memlekettik baǵdarlamasyn iske asyrý qorytyndysy qaraldy.
Infraqurylymdy damytýdyń 2015-2019 jyldarǵa arnalǵan «Nurly jol» memlekettik baǵdarlamasyn iske asyrylý barysy týraly oblystyq jolaýshylar kóligi jáne avtomobıl joldary basqarmasynyń basshysy Álibı Kóshirbaev baıandady.
Basqarma basshysynyń aıtýynsha, «Nurly jol» baǵdarlamasynyń aıasynda 2020 jylǵa deıin oblystyq habtardy Astana qalasynyń ortalyǵymen baılanystyrý josparlanyp otyr. Sondaı-aq, «Borjaqty-Ersaı» temirjol jelisiniń qurylysy 2015 jyldyń 1 shildesinen bastap atalǵan jol boıynda poıyzdar qurylys júkterin jetkize bastady.
Aqtaý halyqaralyq teńiz saýda portyn soltústik baǵytqa keńeıtý - qurǵaq júkterdi jylyna 3,0 mln tonnaǵa deıin jetkizý múmkindigi bar zamanaýı kóp maqsatty termınal qurylysy boıynsha, 2017 jyly metaldar, astyq, tamaq ónimderi, qurylys materıaldary jáne t.b. qosa alǵanda, 1 016 600 tonna júk tasymaldandy. Investısııalyq jobalar qatarynda «Shetpe-Jetibaı-Aqtaý» ýchaskesindegi avtokólik joldaryn qaıta qurý jumysy da bar. «Shetpe-Jetibaı-Aqtaý» tas jolynyń uzyndyǵy 170 km quraıdy. Jumystar tolyq aıaqtalyp, 2017 jyldyń jeltoqsanynda nysan iske qosyldy. Sonymen qatar, Quryq portynda parom keshenin salý jáne ámbebap júk-jolaýshylar paromdaryn paıdalaný boıynsha 2018 jyldyń qańtarynda Quryq porty arqyly tasymaldanǵan júk kólemi 89,7 myń tonnany qurady. Quryq porty damýynyń ekinshi kezeńinde port sýy ýchaskesin tereńdetý jumystary, avtopark qurylysy boıynsha jumys 100%, shyǵys sýlarynyń gıdroelektrlik qurylystary 65%, batys sýlarynyń 68% jumystary aıaqtaldy. Sondaı-aq, qosalqy jáne servıstik maqsattaǵy obektiler men kólik obektileri qurylysy júrip jatyr. Al, 5Shetpe-Beıneý jolyn qaıta jańartý jumysynyń aıaqtalý merzimi 2018 jyldyń 3-toqsanynda josparlanǵan. «Beıneý - Aqjigit - О́zbekstannyń memlekettik shekarasy» avtojolyn qaıta qurý boıynsha da jumystar júrgizilýde.
Qaıta qurý aıaqtalǵannan keıin qozǵalystyń ortasha jyldamdyǵy 50-den 100 km / s-qa deıin artady. «Jetibaı-Jańaózen» avtojolyn qaıta qurý baǵytynda 2018 jyldyń naýryzynda merdigerler qurylys-montaj jumystaryn bastaıdy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy