Qala ákiminiń orynbasary Qosman Aıtmuhametov búgin apta saıynǵy apparattyq jınalysta elordadaǵy sý tasqyny jaǵdaıy týraly baıandady, dep habarlaıdy Astana qalasy ákimdiginiń resmı saıty.
Onyń aıtýynsha «2018 jyly elorda aýmaǵyndaǵy tasqyn sýǵa qatysty keshendi jospar» bekitilgen. Qazirgi kezde Maıbalyq kóli mańyn, Qyzylsýat pen odan joǵary aýmaqtardy marshrýttyq zertteý boıynsha top jumys júrgizýde. Ol jaqta kóp sý bolady dep kútilip otyrǵan joq.
«Qazirgi ýaqytta, Maıbalyq kóliniń 20% syıymdylyq qory bar. Búgingi tańda munda 60 mıllıon tekshe metr sý bar. Jalpy sıymdylyǵy - 82-84 mıllıon tekshe metr», - dedi Qosman Aıtmuhametov.
Sondaı-aq, «Almaty» jáne «Saryarqa» aýdandarynyń jeke sektorlaryn aralaý jumystary júrgizildi. Bul baǵytta aýdan ákimdikteri tıisti jumys júrgizýde, jaǵdaı turaqty.
Onyń aıtýynsha, qazirgi kezde qalanyń basty kóshelerinde jaýyn sýlaryn aǵyzý kanalızasııalaryn ashý jumystary bastaldy.
Erteń kúndiz +3 ... + 5 °C jyly, 30 m/s jyldamdyqqa deıin jetetin qatty jel bolady dep kútilýde.