Búgin Din isteri komıteti Din máseleleri jónindegi ǵylymı-zertteý jáne taldaý ortalyǵy «Elbasy bastamasy – jańa belesterdiń jolbasshysy» taqyrybynda dóńgelek ústel ótkizdi.
Atalmysh shara ústimizdegi jyldyń 5 naýryzynda Elbasynyń Qazaqstan Respýblıkasynyń Parlamenti Palatalarynyń birlesken otyrysynda jasaǵan baıandamasynyń máni men mańyzyn taldap-túsindirý maqsatynda uıymdastyryldy.
Dóńgelek ústeldi Din máseleleri jónindegi ǵylymı-zertteý jáne taldaý ortalyǵynyń dırektory, fılol.ǵ.k. Ábdirásilqyzy Aınur júrgizdi. A.Ábdirásilqyzy Elbasy bastamalaryndaǵy búgingi qoǵam úshin mańyzy zor áleýmettik máselelerge nazar aýdara otyryp, olardyń der kezinde jasalyp otyrǵan irgeli qadamdar ekenine toqtaldy.
«О́z kezeginde dinı ahýaldyń jaı-kúıi de áleýmettik jaǵdaımen tikeleı baılanysty, óıtkeni dinı ahýal – áleýmettik qubylys. Din salasyndaǵy kóptegen keleńsizdikter áleýmettik máselelerdiń sheshilmeýinen bastaý alady. Zertteýler nátıjesine súıensek, Qazaqstandaǵy teraktilerge tikeleı qatysqandardyń 52%-y áleýmettik jaǵdaıy tómen, baspanasyz jáne jumyssyz azamattar eken. Sonymen qatar 84%-ynyń arnaıy dinı bilimi bolmaǵan. Iаǵnı Elbasy negizdegen áleýmettik orta men bilim salasyna qatysty bastamalardy ornyqty túrde júzege asyrý óz kezeginde teris pıǵyldy dinı ıdeologııanyń taralýyna belgili bir dárejede tosqaýyl qoıýǵa múmkindik beretini aıqyn» dep atap kórsetti sarapshy.
Dóńgelek ústel barysynda sóz alǵan QR DIAQM Din isteri komıtetiniń Dinı ekstremızmge qarsy kúres jáne ońaltý basqarmasynyń basshysy Bakırov Baýyrjan Jáleluly Elbasy bastamalarynyń ásirese jańa býyn jastar úshin aıryqsha tıimdi ekenine toqtalsa, Qoja Ahmet Iаsaýı atyndaǵy halyqaralyq qazaq-túrik ýnıversıtetiniń «Iаssaýıtaný» ǵylymı-zertteý ortalyǵynyń dırektory, professor, teol.ǵ.d. Kenjetaı Dosaı Tursynbaıuly memlekettik saıasatta áleýmettik qabattarǵa emes, tulǵa sanasyna nazar aýdaryla bastaǵanyn eleýli jetistik retinde atap ótti.
L.N.Gýmılev atyndaǵy EUÝ áleýmettik ǵylymdar fakýltetiniń Dintaný kafedrasy meńgerýshisi, f.ǵ.k., ǴZTO jetekshi ǵylymı qyzmetkeri Tyshhan Keńshilik qoǵam músheleri úshin áleýmettik jaǵdaıdyń birinshi orynda turatynyn jan-jaqty negizdeı kelip, Elbasy kótergen áleýmettik bastamalardyń oryndalýy din salasynda da keleńsiz qubylystar kórsetkishiniń tómendeýine múmkindik beretinin tujyrymdady.
Shara barysynda «Terrorızmge qarsy komıtet» QB tóraǵasy Orazbaev Amanjol Zeınollauly, «Ulaǵat» mádenıet jáne damý qorynyń tóraıymy Jumaqasova Qamajan Ǵabdrashqyzy, «Tórtinshi bılik» qoǵamdyq-saıası gazetiniń bas redaktory Baltabaev Tólemyrza Temirbekuly, taǵy basqa bilikti mamandar baıandama jasap, Elbasy usynǵan áleýmettik sheshimderdiń jastardy jat pıǵyldaǵy aǵymdardan saqtaýdyń negizgi quraly, al áleýmettik turaqtylyqtyń ishki birlikke bastar jol ekenin jan-jaqty qyrynan taldap kórsetti. Qatysýshylar Elbasy bastamalaryn qoǵamdyq ortada keńinen talqylap-túsindirýdiń aıryqsha mańyzdylyǵyna nazar aýdardy.