Memleket basshysy reseılik telearna tilshisimen áńgimelesý kezinde Eýrazııalyq ekonomıkalyq odaq aıasynda Qazaqstan men Reseı arasyndaǵy yntymaqtastyqty damytýdyń negizgi aspektileri jóninde aıtty.
Sonymen qatar, Nursultan Nazarbaev «Bir beldeý, bir jol» baǵdarlamasynyń iske asyrylý nátıjelerine jáne perspektıvalaryna toqtalyp, Qazaqstannyń syrtqy saıası qyzmetiniń negizgi máselelerine qatysty saýaldarǵa jaýap berdi.
Memleket basshysy Qazaqstan halqyna arnalǵan «Prezıdenttiń bes áleýmettik bastamasy» atty úndeýiniń mánin túsindirip, ony sapaly túrde oryndaýdyń mańyzdy ekenin aıtty.
– Bes áleýmettik bastamany iske asyrý barysynda muǵalimderdiń jalaqylary da ósetin bolady. Qazir biz mektepterde bilim berýdiń jańa mazmunyna kóshtik, bul muǵalimderdiń jalaqysyn 30 paıyzǵa arttyrýǵa múmkindik beredi. Sondaı-aq, orta bilim berý júıesinde biliktilik sanattary kózdelgen. Sanaty kóterilgen muǵalimderdiń jalaqysy qosymsha 50 paıyzǵa kóbeıetin bolady, – dedi Qazaqstan Prezıdenti.