Ońtústik Qazaqstan oblysy Saryaǵash aýdanynyń Abaı aýylyndaǵy J. Balasaǵun atyndaǵy mektep-gımnazııasynyń joǵary synyby oqýshylarynyń birinshi synyp oqýshysyna qatysty jynystyq sıpattaǵy áreketterimen baılanysty BAQ-ta jarııalanǵan aqparattar kópshilikti dúrliktirdi, dep habarlaıdy Qazaqstan Respýblıkasyndaǵy Adam quqyqtary jónindegi ýákil apparatynyń baspasóz qyzmeti.
OQO-daǵy 7 jasar balany zorlaý oqıǵasyna endi qoǵam belsendileri aralasty. QR Ombýdsmeni osy isti tergeýdiń uzaqqa sozylǵandyǵyna alańdaýshylyq bildirdi. Osy sebepti balanyń quqyqtaryn qalpyna keltirý úshin qajetti shara qoldaný qajet dep esepteıdi. Sondaı-aq zardap shekken balaǵa onyń fızıkalyq jáne psıhoemosıonaldyq jaǵdaıy buzylǵandyqtan qajetti kómek kórsetý máselesi mańyzdy bolyp sanalady. «Joǵaryda aıtylǵandarǵa baılanysty bul jaǵdaı QR Ombýdsmeniniń baqylaýyna alyndy. Tıisti resmı suraýlar QR Bas prokýratýrasyna, Ishki ister mınıstrligine jáne BǴM Balalardyń quqyqtaryn qorǵaý komıtetine jan-jaqty áreket etý sharalary úshin jiberildi»,-delingen Adam quqyqtary jónindegi ýákil apparatynyń baspasóz qyzmeti taraqtan málimetterde.