Qasym-Jomart Toqaevtyń tóraǵalyq etýimen Qazaqstan Respýblıkasy Parlamenti Senaty Bıýrosynyń otyrysy boldy, dep habarlaıdy Parlamenti Senatynyń Baspasóz qyzmeti.
Bıýroda Májilisten túsken zań jobalary bólinip berildi. Halyqaralyq qatynastar, qorǵanys jáne qaýipsizdik komıteti Qazaqstan men AQSh úkimetteri arasyndaǵy Aýǵanstan Islam Respýblıkasynyń turaqtylyǵy jáne qalpyna keltirý jónindegi is-qımylǵa AQSh-tyń qatysýyna baılanysty Qazaqstan aýmaǵy arqyly arnaıy júktiń kommersııalyq temirjol tranzıtin qamtamasyz etý týraly kelisimge ózgeris engizý týraly hattamany; Qazaqstan men Tájikstan úkimetteri arasyndaǵy Dıplomatııalyq ókildikterdiń ǵımarattaryn salý úshin jer ýchaskelerin ózara berý týraly kelisimdi; TMD-ǵa qatysýshy memleketterdiń aqparattyq qaýipsizdik salasyndaǵy yntymaqtastyǵy týraly kelisimdi ratıfıkasııalaý týraly zań jobalaryn pysyqtaý jáne qorytyndy ázirleý jóninde jaýapty bolyp belgilendi.
Áleýmettik-mádenı damý jáne ǵylym komıteti «Qazaqstan Respýblıkasynyń keıbir zańnamalyq aktilerge arhıv isi máseleleri boıynsha ózgerister men tolyqtyrýlar engizý týraly» zań jobasy boıynsha bas komıtet bolyp belgilendi.
Bıýroda Palatanyń 29 naýryzda ótetin kezekti jalpy otyrysynyń kún tártibi boıynsha usynystar da engizildi.
Senatorlar Qazaqstan men Belarýs arasyndaǵy Tabys pen múlikke qosarlanǵan salyq salýdy boldyrmaý týraly úkimetaralyq kelisimge ózgerister men tolyqtyrýlar engizý týraly; zańnamaǵa jer qatynastaryn retteý týraly; halyqtyń jumyspen qamtylýy jáne kóshi-qon máseleleri boıynsha túzetýler engizý týraly zań jobalaryn qaraıtyn boldy.
Bıýro sońynda Senat Tóraǵasy Q.Toqaev Qazaqstan Prezıdenti N.Á.Nazarbaevtyń bes áleýmettik bastamasyn túsindirý maqsatynda senatorlar 30 naýryz ben 4 sáýir aralyǵynda aımaqtarǵa attanatynyn aıtty.