Reseı Federasııasynyń Prezıdenti Vladımır Pýtın Kemerovodaǵy órtke baılanysty 28 naýryzdy qaraly kún dep jarııalaý týraly qaýlyǵa qol qoıdy. Bul týraly kremlin.ru habarlady.
«2018 jylǵy 25 naýryzda Kemerovo oblysynyń Kemerovo qalasynda bolǵan órt saldarynan kóp adam qaza taýyp, zardap shekti. Qaıtys bolǵandardyń týystary men jaqyndarynyń qaıǵysyna ortaqtasa otyryp, mynadaı qaýly shyǵaramyn.
1. 2018 jylǵy 28 naýryzdy RF-da qaraly kún dep jarııalansyn.
2. Qaraly kúnde eldiń búkil aýmaǵynda memlekettik tý túsiriledi.
3. Qaraly kúni Mádenıet mekemeleri men teleradıokompanııalar oıyn-saýyq sharalary men baǵdarlamalaryn toqtatýdy usyný.
4. Reseı Federasııasynyń Úkimeti memlekettik organdarmen birlese otyryp zardap shekkenderdiń otbasylaryna kómek kórsetý úshin qajetti sharalardy qabyldaıdy.
5. Qaýly qol qoıylǵan kúni kúshine engiziledi», delingen hattamada.
Aıta keteıik, 25 naýryz kúni Reseıdiń Kemerovo qalasynda «Zımnıaıa vıshnıa» saýda úıinen órt shyqqan. Resmı derekter boıynsha 64 adam qaza tapty. Onyń 41-i bala edi.
Qazaqstan Prezıdenti Nursultan Nazarbaev Reseı Federasııasynyń Prezıdenti Vladımır Pýtınge kóńil aıtý jedelhatyn joldaǵan bolatyn.