О́skemende «Jandaýa» psı­hologııalyq dramasy sahnalandy

Aǵa­sy­­­nyń sońynan oqýǵa túsken qaryndasy keıin aýyldaǵy taıaqqa súıengen ata-anasyn qa­laǵa kóshirip ákeledi. Alaıda qamqor áke-sheshe nashaqor balasynan kórmegen quqaıdy kó­redi. Zeınetaqylaryn bergeni óz aldyna úıdegi qymbat buıym, qun­dy zattarynyń barlyǵynan aırylady.

Qaryzǵa belshesinen batyp, esirtkige esirgen uldary shyr-pyr bolǵan ákesiniń «Qa­sıet degen sózdi uqtyra al­madym-aý saǵan» degen sózine qa­ramastan sha­ńy­raqtarynyń tórinde tu­ratyn kúmistelgen er­toqymdy da saýdaǵa sa­lady.­ Qos qarııa tas qala­dan, shý­ly shahardyń bez­búırek turǵyn­darynan ábden túńiledi. Aýyl­dyń aqpeıil adamdaryn ańsaı­dy. Degenmen de drama sońy jaqsylyqpen túıindeledi. Qyr balasyn qyzyqqa ba­ty­ram dep esirtki satqan­dar mılısııanyń quryǵyna túsedi. Babadan jetken qun­­dy mura – kúmistelgen er­toqym da shańyraq tórine ora­­lady. Al jat­sa-tursa da­ darhan dalany ańsaıtyn jigittiń áke-sheshesi «Aýyl­­­da at ús­tinde júrseń mun­­daı bol­mas ediń-aý, qa­­ra­ǵym! Júr, aýylǵa qaı­taıyq. Dalanyń jupar aýasy men bal qymyzynan ar­tyq em joq» dep ulyn alyp týǵan aýylyna tartady. Qysqasy, qoıylymdy kór­­seńiz aıaly aýylǵa degen sa­ǵy­nyshyńyz eselene tú­sedi. 

Psıhologııalyq drama­nyń avtory – Bolat Uza­qov. Qoıý­shy rejısseri – teatr­dyń kór­kemdik je­tek­shisi Sahan Áke­leev. Týyn­dyny óskemendik zııa­ly qa­ýym ókilderimen birge tamashalaǵan oblys áki­­mi­niń orynbasary Ásem Nú­­si­pova jas urpaqqa berer­ taǵylymy mol osyndaı qoıylym­dar­dy­ stýdentter men mektep­ oqý­shylaryna kór­setý qajetti­gin­ atap ótti. Qoıylymda negizgi keıip­kerlerdiń biri na­shaqor jigittiń ákesiniń ró­lin somdaǵan akter Qanat Nııazbekov bul drama ke­zinde sahnalanǵanymen, rejısser basqa turǵydan kel­­genin, oqı­ǵany tamasha shıelenistire bilgenin aıt­ty. «Bizge baǵa beretin kó­rermen qaýym ǵoı. Má­selen, men óz rólime kó­ńilim toldy dep aıta almaımyn. Áli de shıki tustary bar. Mundaı qoıylymdar 4-5 ret emes, 10-15 márte qoıylýy kerek. Sol kezde baryp akter ashylady. Ol­qy tustar túzeledi», deıdi akter.

Dramanyń qoıýshy re­jısseri Sahan Ákeleev qo­ıy­lymda ǵasyr dertiniń zar­dabynan bólek ulttyq qun­dylyqtarymyzdy ulyqtaý, ót­kenimizdi umytpaý má­se­lesine erekshe nazar aýda­rylǵanyn jetkizdi. Qoıy­lymdy sahnalamas buryn bul taqyrypty muqııat zerttegenin, О́s­ke­men qa­la­syndaǵy nasha­qorlar dıs­panserine baryp, esirtkige eltigen jastardyń minez-qul­qyn baqylaǵanyn til­ge tıek etti. «Senesiz be, sen­beısiz be, qala­daǵy jas­tar­dyń birazy paıyzy nasha­qor.

Olardyń basym kóp­shiligi ózge ult ókilderi bol­sa, bir-eki pa­ıyzy ózi­mizdiń qarakózder. Tipti qazirgi ýaqytta nashaqor­lyq derti mektepterge de jetip jatyr. Esirtkini áde­mi konfet qaǵazyna orap, oqýshylarǵa usynyp, olar­­­dy nashaqorlyqqa tartyp jatqandar bar. Bul – óte qaýipti. Bizdiń negizgi qa­­rýymyz óner ǵoı. Men aza­mat retindegi, rejısser retindegi ustanǵan pozı­sııamdy jurtshylyqqa osy qoıylym arqyly jet­­kizýge ty­rystym. Baı­qasańyz, sahnada alty qur­lyqtyń sýreti tur. Osy ar­qyly nashaqorlyqtyń ǵa­lamdyq qasiret ekendigin de kó­rsetkimiz keldi. Qa­zaqtyń salt-dástúrin, hal­qymyzdyń boıyndaǵy asyl qasıetterdi saqtaý­dyń qanshalyqty ma­ńyz­dylyǵyn kórermenge uǵyn­­dyrýǵa talpyndyq. Al­daǵy ýaqyt­ta oblys áki­mi Danıal Ah­me­tov pen má­denıet basqar­masynyń qoldaýymen osy dra­ma­men óńirimizdiń barlyq aýdan­daryn aralasaq pa de­gen josparymyz bar», deıdi teatr­dyń kórkemdik jetekshisi.

Azamat QASYM, «Egemen Qazaqstan»

О́SKEMEN