Taıaýda AQSh-tyń Denver qalasynda ótken Amerıka memlekettik basqarý qoǵamynyń (ASPA) 79-shy jyl saıynǵy Konferensııasyna aǵymdyq úrdister týraly bilim men tájirıbe almasý úshin jáne teorııa men praktıkany ushtastyrý úshin 1300-ge jýyq praktıkter, ǵalymdar men stýdentter jınaldy.
Konferensııa aıasynda «HHI ǵasyrdaǵy memlekettik qyzmetti jetildirýdegi syn-tegeýrinder, máseleler men quraldar» taqyrybynda Astana habynyń sessııasy ótti. Sessııany Astana haby Basqarý komıtetiniń Tóraǵasy Alıhan Baımenov pen ASPA Atqarýshy dırektory Ýılıam Shılds ashty. Bul otyrysta Qazaqstan, Grýzııa, Moldova memlekettik organdarynyń ókilderi, sondaı-aq AQSh, Ulybrıtanııa, Sıngapýr jáne basqa elderdiń sarapshylary memlekettik qyzmetti jetildirý máselelerin talqylady.
Sonymen qatar, Alıhan Baımenov «Memlekettik qyzmettiń jandanýy: demokratııalyq basqarý men turaqty damý maqsatynda memlekettik qyzmetti qaıta qurý» atty sessııada jáne «Memlekettik basqarý salasyndaǵy kásibı qaýymdastyqtar men Turaqty damý maqsattary» taqarybynda ótken Halyqaralyq Assambleıada baıandama jasady. О́z sózinde ol «memlekettik basqarý modeli qalaı atalmasyn, qaı paradıgmanyń ıdeıasy basym bolmasyn, - eń bastysy, ol azamattardyń ıgiligi úshin jumys isteýi tıis», - dedi.
ASPA músheleri men Konferensııaǵa qatysýshylar Habtyń aımaqtaǵy jáne odan tys tıimdi memlekettik qyzmet júıelerin damytýǵa qosyp kele jatqan joǵary úlesin atap ótti. «Memlekettik qyzmet salasyndaǵy Astana haby memlekettik sektordy jetildirýge jáne sol arqyly 16 jáne 17 Turaqty damý maqsattarynyń oryndalýyna belsene jáne tabysty atsalysyp keledi», - dedi ASPA Atqarýshy dırektory Ýılıam Shılds.
Amerıka memlekettik basqarý qoǵamy (ASPA) – amerıkandyq memlekettik basqarý salasyndaǵy eń iri jáne keńinen tanymal kásibı qaýymdastyq. 8000-ǵa jýyq praktıkter, zertteýshiler men stýdentter qoǵamǵa múshe bolyp tabylady. ASPA memlekettik basqarý salasyndaǵy teorııa men praktıkany ushtastyratyn platforma retinde qyzmet etedi.