Búgin QR Premer-Mınıstri Baqytjan Saǵyntaev Qyzylorda oblysyna jumys sapary aıasynda Prezıdenttiń Bes áleýmettik bastamasyn júzege asyrý máseleleri boıynsha bilim berý, densaýlyq saqtaý jáne áleýmettik sala qyzmetkerlerimen kezdesti, dep habarlaıdy primeminister.kz.
Kezdesý barysynda Memleket basshysynyń áleýmettik bastamalaryn ashatyn jańa múmkindikteri: qoljetimdi baspana, salyq salýdy tómendetý, stýdentterge arnalǵan jańa paket – qosymsha granttar men jataqhanalar, mıkrokredıtteýdi keńeıti, turmys sapasyn jaqsartý úshin jańa gaz qubyrlaryn tartý jáne óńirlerde bıznesti damytý tolyqtaı qaraldy.
Sondaı-aq, Memleket basshysynyń «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» Joldaýyn júzege asyrý aıasynda ınfraqurylymdy jańǵyrtý, memlekettik-jekeshelik áriptestikti damytý jáne salany yryqtandyrý arqyly densaýlyq saqtaý júıesin jetildirý máseleleri talqylandy.
Baqytjan Saǵyntaev berilgen tapsyrmalardy júzege asyrý úshin Úkimettiń barlyq qajetti sharalardy qabyldap jatqanyn atap ótti. Bes bastama boıynsha naqty is-sharalar men oryndalý merzimin qamtıtyn Jol kartasy iske qosylýda. Barlyq is-sharalar 2022 jylǵa deıin júzege asyrylmaq. Qazirgi ýaqytta olardyń oryndalý tetikteri tolyqtaı pysyqtalýda - naýryz aıynyń sońyna deıin qajetti zańnamalyq ózgerister jasalady.
Investısııalar jáne damý mınıstri J.Qasymbek qazaqstandyqtarǵa tıimdi sharttarmen baspana berý boıynsha qoljetimdi ıpotekamen qamtamasyz etetin «7–20–25» baǵdarlamasynyń jasalýy, iske qosylatyn merzimi men qatysý sharttary týraly málimdedi.
Bilim jáne ǵylym vıse-mınıstri T.Eshenqulov bilim berý máseleleri jáne joǵary bilim berýdiń sapasy men qoljetimdiligin arttyrý, stýdenttik jastardyń turmys jaǵdaıyn jaqsartý josparlary týraly baıandama jasady.
Eńbek jáne halyqty áleýmettik qorǵaý vıse-mınıstri N. Áltaev «Mıkrokredıtteýdi keńeıtý» Tórtinshi bastamasy aıasynda beriletin jańa múmkindikterdi túsindirdi.
Ulttyq ekonomıka mınıstri T.Súleımenov jalaqysy tómen jumysshylardyń eńbekaqysyn kóterý úshin salyq júktemesin tómendetý týraly aıtty.
Talqylaý barysynda «Bolashaq» ýnıversıtetiniń ǵylymı basshysy B.Dosmanbetov, jyraý A. Almatov, oblystyq medısına ortalyǵynyń dáriger-hırýrgy N. Amıtov, oblystyq mýzykalyq drama teatrdyń kórkemdik jetekshisi A. Hýseın pikir bildirdi.