QR aýyl sharýashylyǵy mınıstriniń buıryǵymen Aýyl sharýashylyǵy mınıstrliginiń Veterınarlyq baqylaý jáne qadaǵalaý komıtetiniń tóraǵasy laýazymyna Arman О́teǵulov taǵaıyndaldy, dep habarlady primeminister.kz.
Arman О́teǵulov 1964 jyly Batys Qazaqstan oblysynda dúnıege kelgen. 1989 jyly Saratov memlekettik zootehnıkalyq-veterınarlyq ınstıtýtyn «Mal dárigeri» mamandyǵy boıynsha támamdaǵan. 2007 jyly Batys Qazaqstan ınjenerlik-tehnıkalyq ýnıversıtetin «Ekonomıka bakalavry» mamandyǵy boıynsha bitirgen.
Eńbek jolyn 1982 jyly bastaǵan.
1989–1996 jyldary BQO Fýrmanov aýdany Aqkól keńsharynyń aǵa, bas mal dárigeri bolyp jumys istegen. 1996–1998 jyldary — BQO Qaztalov aýdany «Taldyapan» óndiristik kooperatıviniń dırektory.
1998–2013 jyldary Batys Qazaqstan oblysynyń Qaztalov, Qaratóbe, Terekti aýdandarynda ákim orynbasary, 2013–2014 jyldary — BQO aýyl sharýashylyǵy basqarmasynyń basshysy qyzmetterin atqarǵan.
2014 jyldan bastap qazirgi ýaqytqa deıin Batys Qazaqstan oblysy ákiminiń orynbasary laýazymyn atqarǵan.