Horvatııa - Qazaqstan quramalary arasyndaǵy kezdesýde tarazy basy teńesti.
"Devıs kýbogy" aıasyndaǵy shırek fınaldyq kezdesýde esep teńesti. Horvatııa quramasynyń ókili Marın Chılıch Dmıtrıı Popkony jeńgennen keıin ekinshi oıynda Borna Chorıch pen Mıhaıl Kýkýshkın kortqa shyqqan edi. Alǵashqy setti jeńgen horvatııalyq tennısshi otandasymyzdy birshama tyǵyryqqa tiredi. Alaıda, oıyn barysynda 6 márte eıs jasaǵan Kýkýshkın qatarynan 3 sette jeńiske jetti.
Endi erteń Astana ýaqytymen 19:00-de juptardyń tartysy ótpek. Onda Qazaqstan namysyn Tımýr Habıbýllın men Aleksandr Nedovesov qorǵaıtyn bolady.