7 sáýirde Qazaqstan aýmaǵynda atmosferalyq aǵyndardyń ótýine baılanysty, keı jerlerde jaýyn-shashyn jaýady, dep habarlaıdy Qazgıdromet.
Elimizdiń keı jerlerinde jel kúsheıip, tuman túsedi, kóktaıǵaq bolady, ońtústikte jáne ońtústik-shyǵysta naızaǵaı kútiledi, burshaq jaýýy yqtımal.
Almaty, Jambyl oblystarynyń keı jerlerinde tuman túsip, burshaq bolýy múmkin, jel 15-23 m/s-ge kúsheıedi.
Ońtústik Qazaqstan oblysynda, Qyzylorda oblysynyń keı jerlerinde jeldiń jyldamdyǵy 15-20 m/s-ge jetedi.
Aqmola, Qaraǵandy, Soltústik Qazaqstan, Qostanaı, Pavlodar, Shyǵys Qazaqstan oblystarynyń keı jerinde tuman túsip, kóktaıǵaq bolady, jel ekpini 15-25 m/s-ge jetedi.
Mańǵystaý, Batys Qazaqstan, Aqtóbe oblystarynyń keı jerlerinde tuman kútiledi.