Mańǵystaý oblysy aýmaǵynda 2018 jyldyń 1 sáýir-31 mamyr aralyǵynda balyq pen balyq ónimderin zańsyz aýlaýdy jáne zańsyz aınalymdy anyqtaýǵa, aldyn alýǵa jáne jolyn kesýge baǵyttalǵan «Bekire-2018» respýblıkalyq jedel- profılaktıkalyq is- sharasy ótkizilýde.
Jedel-profılaktıkalyq is- sharasy kezinde 2018 jylǵy 3 sáýirde IID JPQ Tabıǵatty qorǵaý polısııa qyzmetkerleri Aqtaý qalasy turǵyn úı qasynda júrgizýshi basqarýyndaǵy «VAZ -21114» markaly avtokóligin tekserý kezinde artqy júk salǵyshynan aq qapqa salynǵan 10-dana «Bekire» tuqymdas balyǵy tárkilendi. Salmaǵy 30 kg. bolatyn zańsyz balyqqa qatysty derekter Munaıly AIIb-ne tirkelip QR QK-niń 339 babymen sotqa deıingi tergep-tekserý óndirisimen qylmystyq is qozǵaldy. Sondaı-aq, 5 sáýir kúni Aqtaý qalasy HGMZ tas joly boıynda júrgizýshi basqarýyndaǵy «Lada-Largýs» avtokóligin kúdikti retinde tekserý barysynda avto kóliktiń salonynan sur tústi 7 qapqa salynǵan 35 dana salmaǵy 171 kg «Bekire» tuqymdas balyǵy tabyldy. Oqıǵa boıynsha Aqtaý QIIB-na tirkelip QR QK-niń 339 babymen sotqa deıingi tergep-tekserý óndirisimen qylmystyq is qozǵaldy.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy