Ulttyq kásipkerler palatasy Prezıdıýmynyń Tóraǵasy Tımýr Qulybaevtyń Mańǵystaý oblysyna jumys sapary aıasynda oblys ákimi Eraly Toǵjanovtyń jáne О́ńirlik palata basshylyǵy men oblys kásipkerleriniń qatysýymen Palatanyń О́ńirlik Keńesiniń otyrysy ótti.
2017 jyldyń sońynda Mańǵystaý oblysyndaǵy shaǵyn jáne orta bıznes sany 2,8 myń birlikke artyp, 47 myń birlikti qurady.
- 2017 jyly «Bıznestiń jol kartasy 2020» baǵdarlamasy boıynsha Aımaqtyq úılestirý keńesiniń májilisterinde jalpy somasy 15,1 mlrd. teńgeni quraıtyn 208 joba (2016, 11,6 mlrd. teńgege 179 joba) júzege asyryldy. Biryńǵaı baǵdarlamany iske asyrý nátıjesinde 2017 jyly 1 403 jańa jumys orny ashyldy (2016 jyly 465 jańa jumys orny ashyldy), bul ótken jylmen salystyrǵanda 3 ese artyq. Shaǵyn jáne orta bıznestiń sýbektilerine 29,8 mlrd. teńge kóleminde kredıttik resýrstar berildi, bul 2017 jylmen salystyrǵanda 1,3 ese kóp. Sonymen qatar shaǵyn jáne orta bıznes sýbektilerine barlyq baǵdarlama boıynsha jalpy somasy 1,3 mlrd teńgege 278 shaǵyn kredıt berilip, 648 jańa jumys orny ashyldy , dedi oblys ákimi Eraly Toǵjanov.
Jıyn barysynda Mańǵystaý oblysy Kásipkerler palatasynyń dırektory Nurbek Qarasaev aımaqtyq bıznesti damytýdyń negizgi baǵyttary týraly baıandady. «Atameken» UKP jumyssyz jáne ózin-ózi jumyspen qamtyǵan halyqty bıznes júrgizýge úıretýge baǵyttalǵan «Bastaý» jobasyn qolǵa aldy. Atalmysh joba aıasynda Mańǵystaý oblysy pılottyq baǵdarlamany júzege asyrǵan aımaq boldy. «Bastaý» jobasyna 750 jumyssyz jáne ózin-ózi jumyspen qamtyǵan mańǵystaýlyq qatysty, olardyń 150-den astamy óz bıznesin ashty.
Sonymen qatar «Atameken» Ulttyq kásipkerler palatasy Prezıdıýmynyń Tóraǵasy Tımýr Qulybaev pen Mańǵystaý oblysynyń ákimi Eraly Toǵjanov «Isker áıelder keńesi» májilisine qatysty. Mańǵystaý oblysynda 2017 jyly 47 myńnan astam kásipker tirkelgen, olardyń 40% -y áıelder. Bul 19 myńnan astam adamdy quraıdy. «Bıznestiń jol kartasy-2020» baǵdarlamasy boıynsha 208 joba maquldandy. Kásipker áıelder tarapynan 75 joba usynylyp, 279 jańa jumys orny ashyldy.
- 2017 jyldyń sońynda jumysqa ornalasýǵa ótinish bergen áıelderdiń sany 3 687 adamdy quraıdy, onyń 3 437-si jumysqa ornalasty. 1138 áıel turaqty jumyspen qamtyldy. Memlekettik qyzmetshilerdiń sany 2 830 adamdy quraıdy, onyń 1 659-y áıel. Bul shamamen 60%-dy quraıdy. Sondaı-aq, Mańǵystaý oblysynda 12 belsendi genderlik ÚEU bar. Oblystaǵy qalalary men aýdandarda áıelder basqaratyn úkimettik emes uıymdardy qoldaý jáne damytý úshin 7 óńirlik resýrstyq ortalyq jumys isteıdi. Genderlik teńdik - qoǵamdy áleýmettik jańǵyrtýdyń negizgi baǵyttarynyń biri, óıtkeni teń múmkindikter jasaý - áıelderdiń eldiń saıası, ekonomıkalyq jáne áleýmettik ómirine belsendi qatysýyn qamtamasyz etýdegi mańyzdy quramdas bóligi bolyp tabylady, dedi oblys ákimi Eraly Toǵajnov.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy