Baıanaýyl aýdanynyń Maıqaıyń kentinde «Kenshi» mádenıet úıinde mektepke deıingi mekemelerdiń tárbıelenýshileri arasynda Astananyń 20 jyldyǵyna arnalǵan «Astana bas qalam» atty baıqaý ótti.
Oǵan 4 pen 6 jas aralyǵyndaǵy baldyrǵandar qatysty. Olar birneshe kezeń boıynsha baq synasty: baldyrǵandardy tanystyrý, óner, sán úlgisi. Baıqaýǵa aýdanymyzdyń ár aýylynan ónerli balalar jınaldy. Olardyń ishinde Máshhúr Júsip Kópeıuly atyndaǵy mektebimizdiń «Erketaı» shaǵyn ortalyǵynyń talantty ári súıkimdi tárbıelenýshileri Injý Jumken men Káýsar Murat shaǵyn ortalyǵymyzdyń namysyn qorǵady. Baıqaý nátıjesi boıynsha Káýsar Murat 3-oryn alsa, Injý Jumken «Talantty ánshi» atalymyn ıelenip, baǵaly syılyqtarmen marapattaldy.
Móldir ÁSETQYZY, Máshhúr Júsip Kópeıuly atyndaǵy mekteptiń kórkemdik jetekshisi
Pavlodar oblysy, Baıanaýyl aýdany, Jańajol aýyly