Qaraǵandy oblysynyń ákimi Erlan Qoshanov tikushaqqa minip, sý tasqyny qaýpi bar aýmaqtardy áýeden sholyp ótti. Atap aıtqanda, avıamarshrýt Buqar jyraý, Qarqaraly, Shet jáne Abaı aýdandaryn qamtydy. Tasqyn qaýpi bar degen Samarqan, Sherýbaı-Nura, Yntymaq, Jartas jáne Ashysý sý qoımalary men Nura, Sherýbaı-Nura, Ashysý, Mataq jáne Jarly ózenderiniń arnalaryna sholý jasaldy.
О́tken jyldarmen salystyrǵanda, bıyl qar sýynyń kólemi tómenirek. Áýeden baqylaý barysynda ózenderdegi sý deńgeıiniń tómendegeni baıqalady, sýdyń arnadan asyp ketý qaýpi ázirge joq degendi aıtady mamandar.
Qazirgi tańda Samarqan sý qoımasynan 15 m³/s, Yntymaq sý qoımasynan 20 m³/s kóleminde sý jiberilýde. Iri sý qoımalarynan ýaqytynda sý jiberip otyrý sharasy ózenderdiń arnasyn shaıyp ótýge, sondaı-aq sý qoımalarynda erigen qar sýyn syıdyratyn bos oryn daıyndaýǵa múmkindik berdi.
580 shaqyrymnan astam qashyqtyqty quraǵan avıasholý barysynda tikushaq ishinde óńir basshysymen birge oblystyq TJD bastyǵy Ybrahym Kúlshimbaev, atalǵan aýdandardyń ákimderi, memlekttik organ jetekshileri boldy.
Aımaqtaǵy sý tasqynyna qatysty jaǵdaı qalypty jáne únemi baqylaýda. Arnaıy qurylǵan jedel shtab jaǵdaıdy ýysynda ustap otyr.
Qaırat ÁBILDA,
«Egemen Qazaqstan»
QARAǴANDY