«Devıs kýbogi». Jartylaı fınalǵa Horvatııa shyqty

Tórtinshi oıynda Marın Chılıch pen Mıhaıl Kýkýshkın shyqqan bolatyn. Álemniń úshinshi raketkasy Chılıch otandasymyzǵa eshqandaı múmkindik qaldyrmady. Esep 3:0. Jalpy esep 3:1 horvattardyń paıdasyna. Endi jartylaı fınalda Horvatııa quramasy AQSh ujymymen kezdesedi.

Matchtan keıin Kýkýshkın men Chılıch jýrnalsterge suhbat berip, oıyn týraly pikirin aıtty.

– Chılıch álemniń úshinshi raketkasy. Onyń joǵary deńgeıdegi tennısshi ekenin bárińiz bilesizder. Boıy da, tehnıkasy da menen joǵary. Alaıda bul matchta meniń jalǵyz ǵana basymdyǵym boldy. Korttyń artqy jaǵynan soqqylar jasap, Chılıchti arly-beri qımyldap oınaýǵa májbúrledim. Doptardy birde solǵa, birde ońǵa, kerek kezinde qysqartyp ta tastap otyrdym. Biraq Marın sonyń barlyǵyna jetip úlgerip otyrdy, – deıdi Mıhaıl Kýkýshkın.

– Eki birdeı qazaqstandyq ten­nıs­shimen kezdestim. Popkomen bolǵan matchta kóp geım berdim. Biraq búgingi oıyn men úshin mańyzdy ári aýyr ótti. Kýkýshkın óte sheber tennısshi. Ol kez kelgen sátte qateligińdi paıdala­nyp ketedi. Eger keshe juptasý kezinde jeńi­lip qalǵanymyzda búgin men bulaı­sha erkinsip júre almas pa edim? Chorıch­pen ótken oıynda Mıhaıl qatty sharshap qalypty. Borna onyń biraz kúshin sar­qydy», dedi Marın Chılıch.

Sondaı-aq Qazaqstan quramasynyń kapıtany Dıas Dosqaraev ta oıyn týraly óz pikirin bildirdi. «Chılıchtiń myqty ekenin bilemiz. Biraq ol búgin emin-erkin oınady. Sebebi teketirestegi jalpy esep 2:1 Horvatııanyń paıdasyna edi. Esh qoryqpaı, aspaı-saspaı óner kórsetti. Al eger keshe juptasýda jeńgenimizde búgin múlde basqasha oınar edik. Chılıch qobaljyp, qınalyp shyǵar edi. Tipti ol jeńgen kúnniń ózinde biz sońǵy oıynǵa kúsh salýshy edik. Popkonyń ornyna Nedovesovti qoıatyn ba edik, kim bilsin. Endi osy juptyq komandamyzdy retteýimiz kerek. Alda Azııa oıyndary ótedi, soǵan daıyndalamyz.

Ermuhamed MÁÝLEN, «Egemen Qazaqstan» – Varajdınnen (Horvatııa)