Soltústikte búldirshinder mentaldi arıfmetıkany meńgerip jatyr

Fılıal nusqaýshysy Baqyt Alda­ber­genovanyń aıtýynsha, ba­la úshin mentaldi arıf­me­t­ı­kanyń paıdasy óte zor. Tez esep­teýge úıretedi, es­te saq­taý qabiletin damytady. Mı­dy shy­nyqtyryp, ju­mys is­teý bel­­sen­diligin art­ty­­ra­dy. Oı­sha sa­­naýdyń artyq­shy­­lyq­ta­ryn se­zin­gen ata-analar ul-qyz­da­rynyń men­taldi arıf­me­tı­kanyń qyr-syr­laryn úıre­nýi­ne múddeli.

Baqyttyń shákirtteri eki jyl­­­dyń ishinde úsh, tórt tań­ba­ly sandar­dy aýyzsha esepteýde úz­dik ná­tıjeler kór­setip, top jaryp júr. Byltyr Almatyda ót­ken ha­lyqaralyq olım­pı­adaǵa 10 úmit­ker qatysyp, 6-ýy birinshi, 2-ýi ekinshi, 1-ýi úshinshi oryndy ıelendi. Jý­yrda ońtústik astanada uıymdastyrylǵan mártebeli ja­rysqa 13 órendi úkilep qos­qan bolatyn. Olardyń arasyn­da Eslámbek Jánibek pen Sul­tan Sansyzbaı birinshi, 6 oqý­shy ekinshi, 4 oqýshy úshinshi oryn­nan kórindi. Al Rahman Tur­syn­qulov jazda Birikken Arab Ámir­likteriniń Dýbaı qalasynda óte­tin álemdik olım­pıadaǵa jolda­ma jeńip aldy.

Qazaqstan, Qyrǵyzstan, Reseı, Belarýs, О́zbekstan memleketterinen 5-ten 16 jasqa deıingi bir myńnan astam bala kelip, óz bilimderin sarapqa sal­dy. Oqýshylarymyz oblys na­my­syn óz deńgeıinde qorǵap shyq­ty, dedi sóıleskenimizde Ba­qyt Erikqyzy. Ol bul ádis­te­meni balalarǵa tórt jas­tan bas­tap qoldanýǵa bolatynyn, men­­taldi arıfmetıkanyń qyr-syr­­la­ryn sabaqtan tys kezderde meń­ge­retinin, munyń ózi bir jaǵynan, bos ýaqyttarynda paı­daly istermen aınalysýǵa múm­kindik beretinin jet­kizdi. Qa­zir mektepke kelýshiler on deń­­geıli aýyzsha esepteýdiń úshinshi k­ezeńine jattyǵyp júr.

О́mir ESQALI, «Egemen Qazaqstan»

Soltústik Qazaqstan oblysy,

Qyzyljar aýdany