Memleket basshysy Aljır Halyq Demokratııalyq Respýblıkasynyń Prezıdenti Ábdel Ázız Býteflıqaǵa kóńil aıtý jedelhatyn joldady, dep habarlaıdy Aqordanyń baspasóz qyzmeti.
Qazaqstan Prezıdenti Aljırdiń Býfarık qalasy mańynda júk tasymaldaıtyn áskerı ushaqtyń apatqa ushyraýy saldarynan kóptegen adamnyń qaza bolǵany týraly habardy zor kúızelispen qabyldady.
– Qazaqstan halqynyń jáne jeke ózimniń atymnan qaza bolǵandardyń týystary men jaqyndaryna, sondaı-aq barsha Aljır halqyna kóńil aıtyp, qaıǵylaryna ortaqtastyǵymdy bildiremin, – delingen jedelhatta.