Múmkindigi mol munaıly meken

Mahambet aýdanyndaǵy 11 eldi mekenniń jeteýi Jaıyq ózeniniń sol jaq bóliginde ornalasqan. Eki arany jalǵaıtyn kópirdiń joq­tyǵy, aýa raıy qolaısyz kezderi sý­dan ótetin saldyń jumys iste­meı­­tini aýyl turǵyndaryna biraz qolaısyzdyq týǵyzyp kelgen edi. Jyl saıyn jazataıym oqı­ǵalar da bolyp jatatyn. Bıyl Jaıyq ózeniniń ústinen óte­tin kópir paıdalanýǵa beriledi. Premer-Mınıstr B.Saǵyntaev ju­mys sapary barysynda arnaıy baryp, kópir qurylysymen tany­s­ty. Kópir «Aqtóbe – Atyraý – Astra­han» avtojolynyń bir bóli­gine aı­na­­l­ady: ol Aqtóbeden Ast­ra­hanǵa d­eıingi joldy qysqar­typ, tran­zıt­tik kólik aǵynyn Atyraýǵa kir­giz­beı ótkizýge múmkindik beredi.

Arnaıy ekonomıkalyq aımaqtyń áleýeti zor

B.Saǵyntaev oblys orta­lyǵyn­daǵy «Ulttyq ın­dýs­t­rııa­lyq munaı-hımııa tehno­parki» ar­naıy ekonomıkalyq aıma­ǵyn­daǵy polıetılen óndire­tin zaýyt­­pen jáne gaz-týrbınaly elektr stansasynyń qurylys jumystary­men tanysty. Údemeli ın­dýs­trııalyq-ınnovasııalyq da­mý baǵ­dar­l­amasy aıasynda júzege asy­­ryl­ǵan Polymer Production zaýy­tynda jylyna 15 myń tonna polıp­ropılen jabynyn shyǵarýǵa múmkindik beretin tehnologııa qol­danylady. О́ndiriste 371 adam jumys isteıdi. О́tken jyly 2,2 mlrd teńgeniń ónimi satyldy.

«Atyraý munaı óńdeý zaýy­tyn­da munaıdy tereń óndirý keshen­i­niń qurylysy» jobasy údeme­li ındýstrııalyq-ınno­vasııalyq da­mý baǵdarlamasy aıasynda iske asyryldy, bul zaýytty jańǵyrtýdyń úshinshi, sońǵy kezeńi. Atyraý oblysyna jumys sapary aıasynda Premer-Mınıstr atalǵan zaýyttaǵy jań­ǵyrtý jumystarynyń aıaqtalý barysyna kóz jetkizdi.

Júrgizilgen jańǵyrtý jumys­ta­ry munaı óńdeý tereńdigin já­ne zaýyt qýattylyǵyn jylyna 5-ten 5,5 mln tonnaǵa deıin ulǵaıtýǵa, jylyna 2,4 mln tonna shıkizatty óńdeýge jol ashady, sonymen qatar joǵary oktandy benzınniń, avıasııa jáne dızel otyny óndirisin ulǵaıtýǵa yqpal etedi. Osylaısha jylyna 5,5 mln tonna munaı óńdeý arqyly AMО́Z jyl saıyn 1,745 mln tonna avtokólik benzınin, 1,64 mln tonna dızel otynyn, 244 myń tonna avıakerosın shyǵaratyn bolady.

«Sıfrly ken orny» – biregeı joba

Munaıly aımaqtaǵy irgeli kásiporyndardyń biri – «Embi­munaıgaz» AQ. Premer-Mı­nıstr «Embimunaıgazǵa» da ba­ryp, óndiristik prosesterdi vı­zýa­­lı­zasııalaý ortalyǵynyń ju­my­­sy­men jáne «Sıfrly ken orny» jobasynyń josparlarymen tanysty.

«Zııatkerlik ken orny» jobasy nemese «Sıfrly ken orny» – munaı-gaz salasynyń mańyz­­­dy baǵyttarynyń biri jáne «Sıfr­ly Qazaqstan» mem­leket­­tik baǵdarlamasynyń is-shara­lar tizimine qosylǵan. Bul munaı-gaz salasyn basqarýdyń avto­mat­tandyrylǵan júıesi, ol jekelegen júıelerdi biryńǵaı ınte­gra­­sııalanǵan aqparattyq júıege birik­tirý arqyly maksımaldy tıimdi­lik­ke qol jetkizýge múmkindik beredi.

Osy jobanyń arqasynda munaı óndirý kólemi 3%-ke deıin ósip, munaı óndirý koeffısıenti 2-5%-ke artady, al shyǵyndar 15%-ke azaıady.

Jańa tehnologııalyq revolıýsııaǵa daıyndyq

Qazaqstannyń úshinshi jańǵy­rýyn iske asyrý barysy men oblystyń ekonomıkalyq ósimniń jańa modelin qalyptas­tyrý­daǵy róli Premer-Mınıstr­diń oblys aktıvimen jáne kásipker­lermen kezdesýinde talqy­landy. Oblys ákimi Nurlan Noǵaev jobalyq basqarý aıasynda óńir­diń áleýmettik-ekonomı­kalyq damýynyń maqsatty kórset­kishterine qol jetkizý týraly baıandady. Otyn-ener­getıka jáne agroónerkásip keshen­derin damytýdyń, bilim berý men densaýlyq saqtaýdy jańǵyr­týdyń, tehnologııalyq jańǵyrtý men «Indýstrııa 4.0» sharalaryn júrgizýdiń, ınvestısııalar tartý men óndiristik jumyspen qam­týdyń negizgi baǵyttary da jıyn barysynda keńinen aıtyldy.

Kezdesýde Investısııalar jáne damý mınıstri J. Qasymbek, Energetıka mınıstri Q.Bozym­baev, Eńbek jáne halyqty áleý­­mettik qorǵaý mınıstri M.Ábil­qasymova, Bilim jáne ǵylym mı­nıstri E.Saǵadıev óz salalary boıynsha túsinikteme berdi. «Atameken» UKP basqarma tóraǵasy A. Myrzahmetov bız­nesti damytýdyń ózekti máse­leleri jaıynda málimet keltirdi.

B.Saǵyntaev ınvestısııa­lardy tartý, ekonomıkanyń jańa salalaryn damytý ju­mys­­ta­ryn júrgizýdiń mańyzdy­ly­ǵyn atap ótti, sondaı-aq Úkimet pen ákim­dikterdiń jańa tehnolo­gııalyq revol­ıýsııaǵa daıyn bolýynyń ma­ńyz­dylyǵyna aıryqsha mán berdi.

Bar jaqsylyq – jastarǵa

Premer-Mınıstr D.Núrpe­ıisova atyndaǵy Atyraý mýzyka kolledjin aralaǵannan keıin stýdenttermen jáne bilim berý salasy ókilderimen kezdesti.

B.Saǵyntaev bolashaq maman­dyqtar boıynsha mamandardy daıarlaý jáne qaıta daıarlaý, tehnıkalyq mamandyqtarǵa bólinetin granttardy kóbeıtý, eńbek naryǵyndaǵy ózgeristerdi jáne sıfrlandyrý men avto­mattandyrý jańalyqtaryn eskere otyryp, qajetti daǵdylardy úıretý týraly sóz qozǵady. Stýdentterdi jataqhanalarmen qamtamasyz etý máselesi de kóterildi. Úkimet «Prezıdenttiń bes áleý­mettik bastamasyn» iske asy­rý aıasynda jol kartasyn qa­byl­dady. Ol stýdent jastardy jataqhanamen qamtamasyz etip, búgingi tańda suranysqa ıe tehnıkalyq baǵyttaǵy mamandardy daıyndaý máselelerin sheshýge múmkindik beredi. Kez­desýde Bilim jáne ǵylym mı­nıstri E. Saǵadıev bilim alýdyń qol­jetimdiligin arttyrý jáne jataqhanalarmen qamtamasyz etý boıynsha atqarylyp jatqan jumystar týraly baıandady. Eńbek jáne halyqty áleýmettik qorǵaý mınıstri M. Ábilqasymova eńbek naryǵynyń ınfraqurylymyn jańǵyrtý jáne tehnıkalyq ma­man­dyqtarǵa mamandardy daıar­laý týraly aıtyp berdi. Atyraý oblysynyń ákimi N. Noǵaev Mem­leket basshysynyń bes bastamasyn oryndaý maqsatynda óńirde júrgizilip jatqan jumystar týraly aqparat berdi.

Atyraý qalalyq emhanasynda Premer-Mınıstr densaý­lyq saqtaý júıesin sıfrlandyrý barysymen tanysty. Oblys­tyń medısına salasynyń qyz­met­kerlerimen kezdesýde B.Sa­ǵyntaev densaýlyq saqtaý júıe­sin jańǵyrtý boıynsha kólemdi jumystar atqarylyp jatqanyn atap ótti.

Premer-Mınıstr jumys sapary barysynda Atyraý oblysynda júzege asyp jatqan jarqyn bastamalarǵa, el ıgili­gin eselegen ınvestısııalyq jo­ba­larǵa kýá boldy. Memleket bas­shy­synyń tapsyrmalaryn, joldaýlary men bes áleýmettik bas­tamasyn, memlekettik, sala­lyq baǵdarlamalardy júzege asyrý úshin aımaqta qajet jaǵ­daı­dyń bári bar ekenine kóz jetkizdi.

Baqytgúl BABASh,

«Egemen Qazaqstan»             

Atyraý oblysy