Sınoptıkter 2018 jyldyń 21-23 sáýir aralyǵynda aýa raıy qandaı bolatynyn aıtty, - dep habarlaıdy "Qazgıdromet" RMK ókilderi.
"Sýyq sıklonnyń atmosferalyq fronttary Qazaqstanǵa jyljyp keledi. Onyń áserinen batysta, sodan keıin soltústikte jáne 23 sáýirde respýblıkanyń shyǵys aýdandarynda jańbyr kútiledi. Ońtústik oblystarda jańbyr naızaǵaıly jáne ekpindi jelmen jaýatyn bolady. Soltústik oblystarda jańbyr, keı ýaqyttarda sýly qar men tuman kútilýde", - delingen habarlamada.
Sonymen qatar Ońtústikte naızaǵaıly jańbyr jaýyp, soltústikte sýly qar túsedi. 21 sáýirge Soltústik Qazaqstan oblysy boıynsha daýyldy eskertý jarııalandy, ońtústik-batystan soǵatyn jeldiń kúshi 15-20, keı jerlerde ekpini sekýndyna 23-28 metr kútiledi. Petropavl qalasynda 21 sáýirde ońtústik-batystan soǵatyn jeldiń kúshi 15-20, ekpini sekindyna 23 metr bolady.