Qaraǵandy qalasyndaǵy «Altyn ǵasyr» galereıasynda erekshe formattaǵy kórme kópshilikke jol tartady. Avtorlyq jańa tehnıkamen salynǵan kartınalar jartylaı qarańǵy keńistikte usynylyp, kórermenge ózgeshe áser syılamaq, dep jazady Egemen.kz.
Kórmeniń kreatıvti ıdeıasyn qaraǵandylyq sýretshi Dmıtrıı Kesman usynǵan. Ol qarańǵyda beıneni aıqyndaı túsetin ózindik kórkemdik ádisin ázirlep, ony Phosphorescent shadow body dep ataǵan.
Sýretshi jańa tehnıkanyń qyr-syryn ádeıi jarııa etpeıdi. Onyń aıtýynsha, shyǵarmashylyqtaǵy belgisizdik kórermen qyzyǵýshylyǵyn kúsheıtip, ekspozısııanyń aıryqsha atmosferasyn qalyptastyrady.
«Ekspozısııaǵa degen qyzyǵýshylyqty saqtaıtyn qupııa bolýy kerek dep oılaımyn. Zalda múlde qarańǵylyq ornamaıdy, tek qoıý jartylaı qarańǵylyq bolady. Sol sebepti kelýshilerden qara nemese qoıý tústi kıimmen kelýdi ótinemiz – bul olardyń kózge túspeı, jalpy kórkem keńistiktiń bir bólshegine aınalýyna múmkindik beredi», dedi Dmıtrıı Kesman.
Ulytaýda otbasylyq sýret kórmesi ótti
Ártúrli taqyryp, ortaq tehnıkaEkspozısııaǵa qoıylǵan týyndylardy mazmuny emes, oryndalý tásili biriktiredi. Kartınalardyń taqyryby men ıdeıalyq sheshimi san alýan. Árbir shyǵarma ózindik kóńil kúı men tereń maǵynany arqalap, kórermendi jeke áserge bóleıdi.
Aıta keteıik, Dmıtrıı Kesman – qaraǵandylyq qylqalam sheberi, Ulybrıtanııadaǵy Talanttardyń jahandyq konfederasııasynyń altyn seriktesi, Máskeýdiń Halyqaralyq sýretshiler odaǵynyń múshesi. Ol – kóptegen halyqaralyq festıvalder men baıqaýlardyń laýreaty. Bul kórme – sýretshiniń «Altyn ǵasyr» galereıasyndaǵy úshinshi jeke shyǵarmashylyq keshi.
Kórmeniń saltanatty ashylýy 14 aqpanda saǵat 18:00-de ótedi. Kirý tegin. О́nersúıer qaýym ekspozısııany 19 aqpanǵa deıin tamashalaı alady.
Almatyda jas talanttardyń sýret kórmesi ashyldy