Kún tártibinde qorshaǵan ortany qorǵaý, aýmaqtyń ekologııalyq jaǵdaıyn jaqsartý, onyń ishinde Hımıko-gıdrometallýrgııalyq zaýyttyń máseleleri jáne ony sheshý joldary, turǵyndardy dene shynyqtyrýǵa, sportqa baýlý jáne sport ǵımarattarymen qamtamasyz etý, jol-kólik oqıǵasynyń aldyn-alýǵa jáne azaıtýǵa baǵyttalǵan is-sharalar keshenin júzege asyrý jáne osyǵan baılanysty qalalar men aýdandardyń ınfraqurylymyn damytý men josparlaýdy jaqsartý syndy birqatar máseler qaraldy.
Jıyn barysynda Qorshaǵan ortany qorǵaý, aýmaqtyń ekologııalyq jaǵdaıyn jaqsartý, onyń ishinde Hımıko gıdrometallýrgııalyq zavodtyń máseleleri jáne ony sheshý joldary týraly ekologııa departamentiniń basshysynyń mindetin atqarýshy Rýslan Týkenov málimdedi.
Aǵymdaǵy jyldyń qorytyndysy boıynsha Departament tarapynan oblystaǵy tabıǵat paıdalanýshylar is-sharýashylyǵyna 8 tekserý júrgizilip, 58 ekologııalyq zań talaptarynyń buzylý faktisi anyqtalǵan.
-Nátıjesinde, kináli tulǵalarǵa jalpy somasy 44 122 584 teńgeni quraıtyn 55 ákimshilik ister qozǵaldy. Búgingi tańda, salynǵan aıyppuldardyń 4 140 490 teńgesi memleket paıdasyna óndirildi, qalǵan 39 982 094 teńgesi oryndalýda (tóleý merzimi shyqpaǵan). Sonymen qatar, ekologııalyq zańnama talaptaryn buzý saldarynan qorshaǵan ortaǵa keltirilgen zalaldy óteý maqsatynda Departament tarapynan aǵymdaǵy jyly jalpy somasy 44 224 670 teńgeni quraıtyn 4 nusqama berildi, dedi Mańǵystaý oblystyq ekologııa departamentiniń basshysynyń mindetin atqarýshy Rýslan Týkenov.
Tabıǵı qorlar jáne tabıǵat paıdalanýdy retteý basqarmasynyń basshysy Dúısen Kusbekovtiń baıandamasyna sáıkes, Basqudyq aýylynyń sanıtarlyq-gıgıenalyq, ekologııalyq jaǵdaıyn jáne mıkroklımattyn turaqtandyrý úshin «Qoshqar-Ata» qaldyq qoımasynyń ońtústik-batys bóliginde jalpy aýmaǵy 8,2 ga tájirıbelik jasyl qorǵanysh aımaǵy, sondaı-aq, osyǵan uqsas aýdany 30 gektar jasyl qorǵanysh aımaǵyn qurý jumystary qolǵa alyndy. Oblys ákiminiń tapsyrmasymen qosymsha bıyl aýdany 30 gektar quraıtyn kelesi jasyl qorǵanysh aımaǵyn qurý jumystaryna memlekettik satyp alý júrgizilýde. Jasandy kóldiń suıyq fazasyn turaqtandyrý maqsatynda Aqtaý qalasyndaǵy kárizdik tazartý ǵımaratynan (KOS-1) jyl saıyn tazalanǵan 7,8-8,4 mln. m³sý quıylady.
Sonymen qatar aıtylǵan máseleler boıynsha Jer qatynastar basqarmasynyń basshysy Esemurat Dúzmaǵambetov baıandady.
Oblys boıynsha 2018 jyldyń 1 naýryzyndaǵy jaǵdaıy boıynsha barlaýǵa jáne óndirýge arnalǵan 243 jer qoınaýyn paıdalaný kelisimsharttary tirkelgen. «Qazaqstan Ǵarysh Sapary» Ulttyq kompanııasy» aksıonerlik qoǵamynyń derekterine sáıkes, monıtorıng qorytyndysymen 62 eldi mekende jer-kadastr bazasyna enbegen 5000-ǵa jýyq qurylys nysandary jóninde málimetter kórsetilgen.
«Oblysta tirkelgen 96 paıyz jer qoınaýyn paıdalanýshynyń ýchaskesinde kelisim-sharttan tys paıdalanylǵan aımaqtar anyqtalǵan. Sonymen birge, ǵaryshtyq túsirilimder negizinde Jańaózen qalasynyń soltústigindegi «О́zenmunaıgaz» AQ men «Almeks plıýs» JShS-niń aýmaǵynda jalpy kólemi 165,7 gektar jerde munaı qaldyqtarymen lastanǵan 471 jer ýchaskeleri anyqtalǵan», - dedi Jer qatynastar basqarmasynyń basshysy Esemurat Dúzmaǵambetov.
Gúlaıym Shyntemirqyzy,
«Egemen Qazaqstan»
Mańǵystaý oblysy