"Qazaqstan Respýblıkasy Ulttyq banki basqarmasynyń 2018 jylǵy 27 sáýirdegi № 67 qaýlysymen 2018 jylǵy 28 sáýirden bastap qosa alǵanda 2018 jylǵy 27 shildege deıin "QazaqBanki" AQ-tyń (budan ári - Bank) jeke tulǵalardyń depozıtterin qabyldaýǵa, jeke tulǵalardyń bank shottaryn ashýǵa lısenzııasy toqtatyla turady", - delingen habarlamada.
Bul sheshimdi Ulttyq Bank Banktiń banktik zańnama talaptaryn jekelegen buzýshylyqtaryna qadaǵalaýshylyq retteý sheńberinde jáne "Qazaqstan Respýblıkasyndaǵy bankter jáne bank qyzmeti týraly" Qazaqstan Respýblıkasy Zańynyń 48-babynyń 1-tarmaǵy v) jáne g) tarmaqshalarynda kózdelgen negizder boıynsha, tólem jáne aýdarym operasııalary boıynsha sharttyq mindettemelerdi únemi (qatarynan kúntizbelik on eki aı ishinde úsh jáne odan kóp ret) tıisinshe oryndamaý jáne únemi (qatarynan kúntizbelik on eki aı ishinde úsh jáne odan kóp ret) prýdensııalyq normatıvterdi jáne (nemese) basqa saqtalýy mindetti normalar men lımıtterdi buzǵany úshin qabyldaǵan.
Sonymen qatar, lısenzııanyń jańa depozıtterdi tartýǵa jáne jeke tulǵalardyń jańa bank shottaryn ashýǵa qatysty toqtatyla turady jáne Banktiń qoldanystaǵy depozıtteri men klıentterine qyzmet kórsetýge qatysy joq ekeni aıtylady. 2018 jylǵy 1 sáýirdegi jaǵdaı boıynsha Bank jeke tulǵalarynyń qabyldanǵan depozıtteriniń kólemi 41 mıllıard teńge bolǵan. Banktiń jeke tulǵalardyń depozıttik portfeliniń úlesi bank júıesi boıynsha jeke tulǵalardyń depozıtteriniń jıyntyq kóleminiń 0,5 paıyzy boldy.