Osy odaqtyń arqasynda oblysta 2000-nan astam sharýa qojalyqtary memlekettik qoldaý sharalaryn aldy, - dep habarlaıdy Atyraý oblysynyń О́ńirlik kommýnıkasııalar qyzmeti.
«Qazaqstannyń Fermerler odaǵy» respýblıkalyq qoǵamdyq birlestigi Atyraýda óziniń óńirlik fılıalyn ashty. Atalǵan odaq qyzmetiniń negizgi baǵyty – Atyraý oblysynda aýyl sharýashylyǵy ónimderin óndirýshilerdi qoldaý, sondaı-aq fermerlerdiń zańdy múddelerin qorǵaý. Qazirgi tańda Atyraý oblysynda 2000-nan astam fermerlik sharýa qojalyqtary tirkelgenin atap ótken jón. Búgingi kúni óńir fermerleri óndiretin ónim sapasy artýda, taýarlar Germanııa, Polsha, Ýkraına, Reseı, Fransııa jáne О́zbekstan sııaqty elderge eksporttalady. - Eger 2016 jyly 1 mıllıard 771,4 mln. tonna ónim eksporttalsa, 2017 jyly eksportqa 1 mıllıard 776 mıllıon tonna óndirilgen ónim jóneltildi, eksporttyń oń ósý dınamıkasy baıqalady. Fermerler odaǵy fılıalynyń ashylýy birinshi kezekte óz bıznesin bastaǵysy keletinderge keńester berý jáne zańdy kómek kórsetý arqyly aýyl sharýashylyǵyn damytýǵa baǵyttalǵan, - dedi Atyraý oblysy Aýyl sharýashylyǵy basqarmasy basshysynyń orynbasary Serik Sársekenov. Sharýa qojalyqtarynyń ıeleri jyl saıyn respýblıkalyq bıýdjetten sýbsıdııalar alady. Atap aıtqanda, eger 2016 jyly óńirde aýyl sharýashylyǵyn damytýǵa 2 mıllıard 463 mln.teńge sýbsıdııa bólinse, 2017 jyly bul soma ósip, 2 mıllıard 631,2 mln.teńgeni qurady. «Fermerler odaǵynyń» óńirlik fılıaly sharýa qojalyqtary ıeleriniń barlyq suraqtaryna jaýap berýge daıyn.