Astana qalasynyń 20 jyldyǵy men «Shell» kompanııasynyń Qazaqstandaǵy 25 jyldyǵyna arnalǵan shaǵyn fýtboldan buqaralyq aqparat quraldary ókilderi jáne munaı-gaz salasy mamandary arasynda «ELORDA-2018» týrnıri ótedi.
Týrnır «Shell Qazaqstan» kompanııasy men Astana qalasy ákimdiginiń qoldaýymen uıymdastyrylady. Jarys 2018 jyldyń 9 maýsymynda «Astana Arena» stadıonynda ótedi.
«ELORDA-2018» týrnıri BAQ ókilderi men munaı-gaz salasy mamandary arasyndaǵy yntymaqtastyqty nyǵaıtýǵa baǵyttalǵan.
Týrnır – qaıyrymdylyq is-sharasy. Munaı-gaz salasynyń ókilderi jarysqa qatysý úshin jarna qosady. Munaı-gaz kompanııalarynan jınalǵan qarajat 2019 jyly naýryzda BAÁ-de ótetin Dúnıejúzilik Jazǵy Olımpıada oıyndaryna múmkindigi shekteýli jasóspirimderden quralǵan shaǵyn fýtboldan Qazaqstannyń jastar quramasynyń daıyndyǵy úshin «Speshıal Olımpıks Qazaqstan» uıymyna aýdarylady.
BAQ ókilderi men munaı-gaz salasy mamandary arasyndaǵy básekeni «Elorda Aqparat» medıakompanııasy uıymdastyryp otyr.