«Kindigimniń jas qany,
Tamǵan jerim aýylym.
Shabytymnyń asqary,
Samǵaýshy edi aýylym.
Jastyǵymnyń kýási,
Shurqyraǵan aýylym.
Jýsany men jýasy,
Burqyraǵan aýylym».
Osy ándi tebirenbeı aıtpaıtyn qazaq balasy joq shyǵar. Sebebi talaı myqtynyń tórkini bolǵan aýylǵa degen, saǵym bolǵan balalyq bal-dáýrenge degen saǵynysh osy án arqyly júrekti qozǵaıdy. Búkil alash elin aralap ketken osy «Aýylym» ániniń avtorlary Jabaıyl Beısenov pen Temirjan Bazarbaev syndy qazaqtyń mańdaıyna bitken birtýar azamattary edi. Eki alypty tabystyrǵan qudiretti án talaıdyń janyna daýa, dertine shıpa bolǵan Alakóldiń eki jaǵasynda dúnıege kelýi de kezdeısoqtyq emes. Ánniń sózin jazǵan Jabaıyl aǵamyz Alakóldiń shyǵysynda bolsa, ánin jazǵan Temirbek aǵamyz Taldyqorǵan oblysy Alakól aýdanyna qarasty Jalǵyzaǵash aýylynda dúnıege kelgen eken. «Aýylym» óleńi Temirbek aǵanyń qolyna tıgennen keıin sózi oǵan qatty unap, án jazady. Ol kezde aǵalarymyz bir-birin tanymapty. Keıin «Aýylym» áni halyqtyń kóńilinen shyǵyp, búkil Qazaqstandy sharlap ketken kezde ǵana eki avtor bas qosqan kórinedi.
Ánniń áýenin jazǵan Temirjan Bazarbaevtyń dúnıeden ótkenine úsh jyldaı ýaqyt boldy. Al óleń avtory Jabaıyl aǵamyz búginde seksen jasty eńsergen, Úrjar aýdanynda turady. Osy aýdanǵa kelgeli beri aqyn aǵam únemi kóńilimde júretin. Arqamdy keńge salyp, asyl aǵammen arqa-jarqa áńgimelesýdiń sátin tosyp júr edim. Kezdesýdiń sáti jaqynda tústi. Áńgime barysynda seksen bes jasqa aıaq basqan aqsaqaldyń aıtqan salmaqty sózderine, keleli keńesterine rıza bolyp otyrdym. «Armanyńyz bar ma?» degen suraǵyma «Armanym shyǵarmashylyǵymdy damytyp, urpaǵyma ólmes mura qaldyrsam dep edim. Oǵan jettim be, jetpedim be, halyq biledi. Meniń negizgi taqyrybym – aýyl. Sebebi aýylda týdym, aýylda óstim, búkil ǵumyrym aýylmen baılanysty. Tipti meniń aýylǵa berilgenim sonsha, Almatydan basqa qalaǵa shyǵyp kórmeppin (birge kúldik). Jaz shyqsa, Alakólimniń jaǵasyna baryp demalamyn. Sodan artyq ne kerek?» dep áńgimesin aıaqtady.
Kenjegúl TERGEMBAEVA,
Qazaqstan Jýrnalıster odaǵynyń múshesi
Shyǵys Qazaqstan oblysy,
Úrjar aýdany