«Qaısar» sport klýbynyń tárbıelenýshisi japondyq Okınava aralynda karate-dodan eresekter men jasóspirimder arasynda ótken Azııa chempıonatyna qatysty. Azııa chempınatyna ár túrli memleketten 700-ge jýyq sportshy qatysty. Jarysta álem jáne Azııa chempıonatynyń júldegerleri de baq synady, dep habarlaıdy Atyraý oblystyq О́ńirlik kommýnıkasııalar qyzmeti.
17 jasar atyraýlyq Ábilmansur Batyrǵalı 68 kg deıingi salmaq dárejesinde jáne «ıýnıory» jas sanatynda synǵa tústi. Sportshy 4 kezdesý ótkizip, Shrı-Lanka, О́zbekstan, Taıland jáne Irandyq qarsylastarynan basyp túsip, Azııa chempıony atandy.
- Eń qıyn kezdesý fınalda ırandyq sportshymen boldy. Barlyǵyna belgili, Iranda barlyq jekpe-jek túrleri jaqsy damyǵan, qarsylasym óte jaqsy daıyndalǵan, sondyqtan biz sońyna deıin birdeı upaıda boldyq. Biraq, maǵan jeńis buıyrdy,- deıdi Ábilmansur Batyrǵalı. Jattyqtyrýshy Sansyzbaı Torǵaevtyń aıtýynsha, jarys jasóspirimderge budan da joǵary deńgeıdegi jarystarǵa joldama boldy.
- Aldaǵy ýaqytta Ábilmansur Bolgarııada ótetin jastar arasyndaǵy halyqaralyq deńgeıdegi jarysqa qatysady. Onda jeńgen sportshy Argentınadaǵy Býenos-Aıres qalasyndaǵy jastar Olımpıadasyna joldama alady,- deıdi Sansyzbaı Torǵaev.
Aıta keteıik, 17 jasa Ábilmansur Batyrǵalı ótken jyly Astanada ótken Azııa chempıonatynyń kúmis júldegeri atanǵan bolatyn, sol jyly karate-dodan Álem kýboginiń ıegeri boldy, sport sheberine úmitker.