Bul týraly 2018 jylǵy tórt aıdaǵy jergilikti bıýdjettiń atqarylýy týraly Mańǵystaý oblystyq qarjy basqarmasynyń basshysy Marına Álibekova málimdedi.
Basqarma basshysynyń aıtýynsha, aǵymdaǵy jyldyń 1 mamyr aıyndaǵy jaǵdaı boıynsha oblystyń jergilikti bıýdjetiniń tabysy 46,9 mlrd. teńgeni nemese esepti kezeńde jospardyń 106,1%-yn qurady (jospar 44,2 mlrd. teńge). Sondaı-aq, 4 aıdaǵy oblystyq bıýdjettiń shyǵystary 48,7 mlrd. teńgege nemese esepti kezeńde 96,6% oryndaldy ( jospar 50,4 mlrd. teńge).
-Oblystyq bıýdjette 189 obektige arnalǵan jobalyq-smetalyq qujattardy ázirleýge jáne onyń qurylys jumystaryna qarajat qarastyryldy, olardyń 21-i respýblıkalyq bıýdjet esebinen bolsa, 168-i jergilikti bıýdjet esebine jatady. Onyń ishinde 133 nysan 2017 jyldan 2018 jylǵa ótken bolsa, 56-sy jańa nysan.Aǵymdaǵy jyldyń 1 mamyryndaǵy jaǵdaı boıynsha, 53 obektige konkýrs jarııalandy. Tek 32 nysannyń nátıjeleri jınaqtalyp, 9 nysan komıssııa qaraýyna berildi, dedi Mańǵystaý oblystyq qarjy basqarmasynyń basshysy Marına Álibekova.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy