«Barselonanyń» eks-kapıtany Andres Inesta aldaǵy maýsymda Japonııanyń «Vıssel Kobe» komandasynda oınaıtyn boldy.
Kelisimsharttyń mán-jaıy ashyp aıtylmady. Biraq Inestanyń Japonııada birneshe jyl dop tebetini belgili. «Vıssel Kobe» bıylǵy maýsymdy 9-orynda aıaqtady.
Osyǵan deıin 33 jastaǵy jartylaı qorǵaýshy Qytaıdyń «Chýnsın Lıfan» komandasyna aýysady dep kútilgen. Sondaı-aq, burynǵy jattyqtyrýshysy Hosep Gvardıola ony «Manchester Sıtıge» shaqyrmaq bolǵany týraly sybystar boldy.
Inesta katalonııalyq komandanyń sapynda 16 maýsymda bas-aıaǵy 32 kýbok jeńip aldy. 9 dúrkin Ispanııa chempıony atansa, 7 márte el kýbogyna ıe boldy, tórt ret Chempıondar lıgasynda top jardy. Sonymen qatar Ispanııa quramasynyń sapynda Eýropanyń eki dúrkin jáne álemniń bir dúrkin chempıony atandy.
Andres Inesta «Barselona» komandasynyń júıesinde 22 jyl ýaqytyn ótkizdi.