Mamyrdyń 28-i kúni Aqtaý qalasyndaǵy Nazarbaev Zııatkerlik mektebiniń oqýshylary men muǵalimderi «Qoldaıyq aýyl mektebin» áleýmettik aksııasy aıasynda Jetibaı aýylyndaǵy №8 orta mektebine 100 bólme gúlin, 200 kitap, kórneki stend, 15 dop jáne Almaty qalasyndaǵy Nazarbaev Zııatkerlik mektebiniń oqýshylary qurastyrǵan 3D prınterdi syıǵa tartty. Shara «Nazarbaev Zııatkerlik mektepteri» derbes bilim berý uıymynyń 10 jyldyq mereıtoıyna oraı uıymdastyryldy.
Aksııanyń basty maqsaty - oblys ortalyǵynan shalǵaıda ornalasqan aýyl mektebiniń materıaldyq jáne ádistemelik bazasyn nyǵaıtýǵa kómek kórsetip, zııatkerlik mektep tájirıbesin taratý.
Shara barysynda eń aldymen mektep basshysy Ermek Paızov sóz alyp, jınalǵandardy Nazarbaev Zııatkerlik mektepteriniń erekshelikterimen tanystyryp ótti. Sodan soń, mektep dırektorynyń tárbıe isi jónindegi orynbasary Altynzer Ihsanova qazaqstandyq patrıotızm jáne azamattyq jaýapkershilik qundylyǵyna sáıkes balalardy áleýmettik jobalar arqyly tárbıeleý týraly jáne «Eki apta aýylda», «Týǵan elge taǵzym» jobalary týraly aıtty.
- Nazarbaev Zııatkerlik mektepteriniń bıyl qurylǵanyna 10 jyl.Osy aksııany ótkizip, sizderge kórsetýdegi maqsatymyz bizder júzege asyrǵan jobalardy jasaý sizderdiń de qoldaryńyzdan keletindigin kórsetý, deıdi mektep dırektorynyń orynbasary.
Keıin mektep dálizine zııatkerlik mektepterdegi bilim berý júıesiniń erekshelikteri týraly baıandalǵan óner páni muǵalimderi jáne mektep kitaphanashylary daıyndaǵan arnaıy stend ornatyldy.
О́ner pániniń muǵalimi Juldyzaı Uzaqbaeva bastaýysh synyp muǵalimderine tasqa sýret salý ónerin sabaqta qoldaný ádisin, al qazaq tili men ádebıeti páni muǵalimi Nurgúl Aıtmuhan «Tildik daǵdylardy meńgertýdiń ádisteri» taqyrybynda sheberlik saǵatyn ótkizdi. Geografııa pániniń muǵalimi Erlan Seıtov gýmanı-tarlyq pánder muǵalimderine geografııany oqytýdyń jańa ádisterin kórsetti. Fızıka páni muǵalimi Damır Erkmalıev pen ınformatıka pániniń muǵalimi Aızada Nurlanova naqty ǵylymdar pánderiniń muǵalimderi ınformatıka men fızıkany kiriktirip oqytýdyń atyqshylyqtary men erekshelikterin aıtty.
Aqtaýdaǵy Nazarbaev Zııatkerlik mektebindegi kitaphana róli erekshe. Mundaǵy kitaphanashylar balalardy kitap oqýǵa baýlyp, muǵalimderdi qajetti oqýlyqtarmen qamtamasyz etýde jáne negizgi oqýlyqpen qosa sabaq prosesine tikeleı aralasyp otyrady. Sonymen qatar, kitap oqýǵa shaqyratyn túrli áleýmettik jobalary oqýshylar asyǵa kútetin sharaǵa aınaldy. Mektep kitaphanashysy Dınara Qaıratbekqyzy «Bookrossing» jobasyn tanystyryp, mektep muǵalimderi, oqýshylary jınaǵan, Pedagogıkalyq sheberlik ortalyǵy bólisken ádistemelik kitaptardy mektep kitaphanashysyna tabystady.
Oqýshylardyń ózin-ózi basqarý uıymynyń belsendi músheleri Azıza Jubaeva men Nesibeli Altybaı jetibaılyq oqýshylarǵa ózin-ózi basqarý uıymynyń róli jáne erekshelikteri týraly aıtyp berdi. -Zııatkerlik mektepter 10 jyldyq mereıtoılaryn toılap jatsa, bizdiń mektebimiz bıyl 50 jyldyq mereıtoıyn toılamaq. Osyndaı aıtýly merekemizge keremet syılyq jasaǵan zııatkerlik mektep ujymyna alǵysymyzdy bildiremiz, - dedi №8 orta mektep dırektory Sara Turabaeva. Ol Aqtaý qalasyndaǵy Nazarbaev Zııatkerlik mektebi men Pedagogıkalyq sheberlik ortalyǵynyń mamandaryna oqý orny atynan alǵys hat tabystady.
Mektep dırektorynyń sózinshe, zııatkerlik mektep oqýshylary ózderi bapstap ósirgen 100 gúldi bıyl ǵımaratta ashylǵan sýburqaq janyn kórkeıtý maqsatynda paıdalanatyn bolady.
Sondaı-aq, Aqtaýdaǵy Pedagogıkalyq sheberlik ortalyǵynyń trenerleri aýyl mektebiniń ustazdaryna jańartylǵan bilim mazmuny men krıterıaldy baǵalaýdan, oqytýdyn ádisterimen tehnologııalaryna qatysty ádistemelik konsýltasııalar uıymdastyryp, sheberlik saǵattaryn ótkizdi.
Aıta keteıik, aksııa elimizdiń 16 óńirinde ótti. Joba sheńberinde Nazarbaev Zııatkerlik mektepteri 20 aýyl mektebine zııatkerlik mektepteriniń oqýshylary men muǵalimderi jınaǵan 6 875 dana kórkem jáne ǵylymı-tanymdyq ádebıet, oqýshylar ósirgen 2 000 túp gúl, DBBU ortalyqtyry (OBO, PShO, PО́O) jasaǵan 860 dana muǵalimderge arnalǵan ádistemelik nuskaýlar, Almaty qalasyndaǵy NZM oqýshylary jasaǵan 20 3D prınter, 20 stend, 300 sporttyq dop syılady. Sporttyq dopty alýǵa «Kazsınk» mekemesi demeýshilik kórsetti. Aksııanyń janashyrlary «Kazsınk» JShS 300 sporttyq dop satyp alýǵa demeýshilik jasady, Ulttyq qundylyqtardy damytý «Abyroı» jeke qory jáne Jeksenbaı B. N., Qazaqstan Respýblıkasy Tunǵysh Prezıdentiniń kitaphanasy, «Delovoı mır Astana» baspasy aýyl mektepterine 1 204 dana kórkem ádebıet syıǵa tartty.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy