Qazaqstan Respýblıkasy «Atameken» Ulttyq kásipkerler palatasynyń tóralqa tóraǵasy Tımýr Qulybaev Batys Qazaqstan oblysyna jumys saparymen kelip, oblystyq kásipkerler palatasy óńirlik keńesiniń otyrysyna qatysty.
Keńestiń basty taqyryby – Batys Qazaqstan óńirindegi kásipkerliktiń damýy, jergilikti kásipkerler kezdesetin túrli qıyndyqtardy sheshý joly, bıznes bastamalardy memlekettik organdar tarapynan qoldaý máseleleri boldy.
- О́ńirde 1 mamyrdaǵy málimet boıynsha, 38,6 myń kásipkerlik nysan jumys istep tur. Bul ótken jylǵydan 4,5 paıyzǵa artyq. 113 myń adam shaǵyn jáne orta kásipkerik salasynda jumys isteıdi. Osy sektordyń ózinen 52 mlrd. teńgeden astam salyq tústi. Oblys bıýdjeti 185 mlrd. teńgeni quraıdy, sonyń 53 mlrd. teńgesi shaǵyn jáne orta kásipkerlikten túsedi. О́tken jyly óńirde 1,4 trln. teńgeniń ónimi óndirildi, bul 2016 jylǵy kórsetkishten 150 mlrd. teńgege artyq degen sóz. Biz bul nátıjelerge memlekettik qoldaýdyń jáne kásipkerlerdiń belsendiliginiń arqasynda qol jetkizdik. Kásipkerliktiń damýyna kedergi keltiretin tosqaýyldar, tekserister azaıdy. Bıyl Elbasynyń tapsyrmasymen «Prezıdenttiń bes áleýmettik bastamasy» boıynsha aýylǵa bólinetin shaǵyn nesıe kólemi eki ese kóbeıdi. «Bastaý» jobasy boıynsha byltyr bes aýdanda kásipkerlik negizderine 938 adam oqytylsa, bıyl 12 aýdan men Aqsaı qalasynda oqytý kózdelgen. Osynyń ózi kásipkerlikti jańadan bastaǵan aýyl turǵyndaryna úlken kómek bolady dep oılaımyn. «Bıznestiń jol kartasy» boıynsha 830 joba memlekettik qoldaýǵa ıe boldy, - dedi Batys Qazaqstan oblysynyń ákimi Altaı Kólginov óńirdegi qalyptasqan ahýal týraly.
О́ńirdegi bıznes bastamalardy qoldaý máselesinde «Atameken» óte úlken járdem berip otyr. О́ńirdegi kásipkerler palatasy dırektorynyń migndetin atqarýshy Sáken Karınniń aıtýynsha, kásipkerler tarapynan jyl basynan beri bıznesti qorǵaý týraly 100-den asa shaǵym túsken. Onyń basym bóligi ońynan sheshilgen. Byltyrǵy jáne bıylǵy birinshi toqsandy qosa alǵanda kásipkerlerdiń 160 mln teńge kóleminde múliktiń quqyǵy qorǵalǵan.
– Bes jyl buryn jumystyń basym bes baǵyty belgilendi. Sonyń biri – kásipkerlerdiń quqyǵy men zańdy múddelerin qorǵaý. Bul baǵytta birqatar jumys atqaryldy. Bas prokýratýramen kásipkerlerdiń quqyǵyn qorǵaý baǵytynda turaqty negizde jumys jasalýda, keńester quryldy. Biz zańdylyqtardyń saqtalýyn qarap qoımaı, suraqtardyń qaıdan týyndaıtynyn zerttep, memorgandardyń kásipkerliktiń damýyna keri yqpal etý múmkindikterin azaıtý úshin tıisti zańnamalarǵa ózgerister engizemiz, - dedi Tımýr Qulybaev.
Jıynda óńirlik keńes músheleri, «Otdelstroı» JShS-nyń dırektory Valentına Mıhno óńirde ınjenerlik ınfraqurylym boıynsha elektrondyq karta qurý, kásipker Valerıı Krylov «Bıznestiń jol kartasy-2020» baǵdarlamasy sheńberinde nesıe paıyzdaryn sýbsıdııalaý, «Shaǵyn bıznes ortalyǵy» zańdy tulǵalar birlestiginiń dırektory Sholpan Jumataeva Astana qalasynyń tájirıbesi negizinde kóshe saýdasyn uıymdastyrý, «H. Qapanov atyndaǵy halyqaralyq gımnazııa» JShS-nyń dırektory Haıdar Qapanov jeke balabaqshalardy jan basyna qaraı qarjylandyrý, «OtaýAlan» JShS-nyń dırektory Lıana Tursynova mektep janyndaǵy ashanalarda oqýshylarǵa ystyq tamaq uıymdastyrý, «Medsentr» JShS-nyń dırektory Rafhat Istaev jeke emhanany memlekettik qarjylandyrý máselelerine baılanysty saýaldar qoıyp, tıisti jaýap aldy.
- Biz Ulttyq palata qurylǵaly ótken bes jyl boıy óńirlerdegi kásipkerler palatalarymen turaqty jumys istep kelemiz. Memlekettik qurylymdar jáne bıznes ókilderimen birge shaǵyn jáne orta bıznesti damytý máselesimen aldaǵy jumystardy da aqyldasyp otyramyz. Búgingi jıynda ortaǵa salynǵan barlyq másele Ulttyq palatanyń aldaǵy jıynynda kún tártibine alynatyn bolady. Jergilikti ákimdikter árdaıym bizge qoldaý bildiredi, áriptestik týraly kelesimderimiz bar. Endeshe kásipkerlikti qoldaý jalǵasa beredi, - dedi Tımýr Qulybaev qorytyndy sózinde.
Qazbek QUTTYMURATULY, «Egemen Qazaqstan»
Batys Qazaqstan