Qala ákimi Jeńis Qasymbek Instagram paraqshasynda jańadan salynatyn medısınalyq nysandar týraly jazdy, dep habarlaıdy Egemen.kz.
Ákimniń aıtýynsha, elordany barlyq baǵyt boıynsha damytý jumysy júrip jatyr.
«Aldaǵy jyldary qalada densaýlyq saqtaý salasynyń 11 nysany boı kóteredi, olardyń arasynda kópbeıindi aýrýhana, zamanaýı 8 emhana jáne 2 jedel medısınalyq járdem qosalqy stansııasy bar. Negizgi mindetterdiń biri – akýsherlik jáne bosandyrý qyzmetterin damytý. Sońǵy on jylda elordada bosaný kórsetkishi 35 paıyzǵa ósti. Osyǵan baılanysty jańadan eki perınataldyq ortalyq salý týraly sheshim qabyldadyq. Nysandardyń birin 2027 jyly aıaqtaımyz. Bul eki jobanyń júzege asýy akýsherlik tósek-oryndarǵa degen qazirgi qajettilikti tolyq qamtamasyz etip, elordadaǵy ana men bala densaýlyǵyn qorǵaý júıesin nyǵaıtýǵa múmkindik beredi», dep jazǵan J. Qasymbek.
Memleket basshysynyń tapsyrmasy boıynsha Saryarqa aýdanynda 300 orynǵa eseptelgen kópbeıindi aýrýhananyń qurylysy júrip jatyr.
Astananyń eleýli ekonomıkalyq ósimi
Astana ákiminiń málimdeýinshe, №2 qalalyq kópbeıindi aýrýhananyń janyndaǵy qabyldaý-dıagnostıkalyq kesheniniń qurylysy aıaqtalýǵa jaqyn.
Sol sııaqty «Nurly jol» vokzaly mańynda bir aýysymda 350 adam qabyldaıtyn jańa emhana jumysyn bastady.
«Budan bólek, Telman eldi mekeninde emhana qurylysy júrip jatyr. Kelesi jyly taǵy eki iri emhananyń, sondaı-aq О́ndiris eldi mekenindegi dárigerlik ambýlatorııanyń qurylysyn bastaýdy josparlap otyrmyz», dep jazdy Jeńis Qasymbek.
Astanada Qytaı men Ortalyq Azııa jastaryn biriktirgen E-LIGHT 2026 festıvali ótti