Jańa vagondardy satyp alý jáne paıdalanýǵa berý jónindegi barlyq sheshimder – áýeli qaýipsizdik, senimdilik jáne sapa talaptaryna súıene otyryp qabyldanady, dep habarlaıdy Egemen.kz.
«Jolaýshylar tasymaly» AQ baspasóz qyzmetiniń málimdeýinshe, «Stadler» kompanııasy óz málimdemesinde 2025 jyldyń jeltoqsanynda júrgizilgen synaqtar barysynda birqatar sáıkessizdikter anyqtalǵanyn málimdegen. Ulttyq tasymaldaýshy atalǵan aqparatty rastap otyr.
Elimizde poıyz jolaýshylaryna qandaı talaptar qoıylmaq?
«Ulttyq tasymaldaýshynyń ustanymy ózgermeıdi: qaýipsizdik, senimdilik jáne sapa talaptaryna tolyq sáıkes keletini rastalmaıynsha, birde-bir jolaýshylar vagony qabyldanyp, paıdalanýǵa berilmeıdi. Jetkizý merzimi, kommersııalyq mindettemeler nemese ózge de faktorlar bul qaǵıdatqa áser etpeıdi. Basty orynda árdaıym jolaýshylardyń qaýipsizdigi turady.
Qazirgi ýaqytta Ulttyq tasymaldaýshy anyqtalǵan eskertýlerdi joıý jáne barlyq qajetti rásimderdi aıaqtaý maqsatynda vagon óndirýshisimen jumysty jalǵastyryp jatyr. Jańa vagondardyń jolaýshylar parkin múmkindiginshe tezirek tolyqtyrǵanyna múddelimiz. Alaıda bul barlyq talaptar tolyq oryndalyp, belgilengen synaqtar sátti aıaqtalǵannan keıin ǵana múmkin bolady», delingen habarlamada.
Qajetti tehnıkalyq jetildirýler aıaqtalyp, vagondardyń belgilengen standarttarǵa sáıkestigi tolyq rastalǵan soń, jolaýshylarǵa qaýipsizdigi joǵary, jaıly ári senimdi zamanaýı vagondar qoljetimdi bolady.
Aıta keteıik, Aqtóbe – Mańǵystaý baǵytyndaǵy poıyzdyń vagondary jańardy.