Jambyl oblysyndaǵy Jańa Jambyl fosfor zaýytynda eńbek daýy týyndady. Kásiporyn qyzmetkerleri jumys oryndarynda tekserýlerdiń kúsheıgenine qarsylyq bildirdi, dep habarlaıdy Egemen.kz.
Jumysshylardyń aıtýynsha, basshylyq aýysqannan keıin qaýipsizdik qyzmetiniń qyzmetkerleri jeke shkaftaryn, ústelderin, jeke zattaryn jáne tipti tońazytqyshtaryn da teksere bastaǵan. Al 9 maýsym kúni zaýyt aýmaǵyna polısııa qyzmetkerleri men qyzmettik ıtterdiń kelýi jumysshylardyń alańdaýshylyǵyn kúsheıtken.
О́z kezeginde «NDFZ» JShS basshylyǵy qyzmetkerlerdiń jınalysy ruqsatsyz ótkenin málimdedi. Kásiporyn ókilderiniń túsindirýinshe, polısııa men kınologtardyń qatysýymen júrgizilgen tekserý esirtkiniń zańsyz aınalymynyń aldyn alýǵa baǵyttalǵan profılaktıkalyq is-shara aıasynda uıymdastyrylǵan.
Sondaı-aq zaýyt ákimshiligi eńbek jaǵdaılaryn jaqsartý jáne jalaqyny kezeń-kezeńimen kóterý jumystary júrgizilip jatqanyn atap ótti. Basshylyq qyzmetkerlerdi barlyq daýly máselelerdi zań aıasynda sheshýge shaqyrdy.
Jambyl oblysynda jylyna 800 myń tonna kúkirt qyshqylyn óndiretin zaýyt iske qosyldy
Osyǵan baılanysty «Qazaqmys» korporasııasy da túsinikteme berip, Jambyl oblysyndaǵy «NDFZ» JShS-niń «Fosfor zaýyty» fılıaly kompanııa qurylymyna kirmeıtinin habarlady.
Kompanııa málimetinshe, «Qazaqmys» atalǵan kásiporynnyń qyzmetine, basqarý sheshimderine, kadrlyq saıasatqa jáne zaýyttaǵy oqıǵalarǵa eshqandaı qatysy joq. Sondaı-aq kásiporynnyń «Qazaqmys» tobyna qatysy bar degen aqparat shyndyqqa sáıkes kelmeıtini atap ótildi.