Qala aıaldamalarynyń birinde qoǵamdyq tártipti buzǵan qyz jaýapkershilikke tartyldy. Bul týraly elorda polısııasy málimdedi, dep jazady Egemen.kz.
Áleýmettik jelilerge júrgizilgen monıtorıng barysynda polıseıler aıaldamada túsirilgen beınejazbany anyqtaǵan. Onda qyzdyń avtomatqa uqsas zatty ártúrli baǵytqa kezep turǵany kórinedi. Keıin onyń oıynshyq avtomat ekeni belgili boldy.
Buǵan deıin Almatyda jolaýshy taksı júrgizýshisin oıynshyq tapanshamen qorqytqany týraly oqıǵany habarlaǵan edik.
Polısııanyń málimetinshe, qyz usaq buzaqylyq jasaǵany úshin ákimshilik jaýapkershilikke tartylǵan.
«Tekserý barysynda onyń qolyndaǵy zattyń oıynshyq avtomat ekeni anyqtaldy. Sot sheshimimen oǵan 20 AEK mólsherinde aıyppul salyndy (2026 jyly bul 86 500 teńgeni quraıdy)», dep naqtylady polısııa ókilderi.
Tapanshamen qorqytyp, tonap ketken