Astana qalasynyń ákimdigi eki kóshege eýropalyq ataý berý týraly qaýly qabyldady, dep habarlaıdy Egemen.kz.
Jobalyq ataýy E754 bolǵan kóshege endi Sofııa ataýy beriledi. Buǵan deıin Bolgarııa astanasy Sofııada bir kóshege «Astana» ataýy berilgen bolatyn.
Sonymen qatar «Astana Arena» sport kesheni men «Alaý» muz saraıy arasyndaǵy ataýsyz kóshe Marko Polo esimimen atalady. Bul usynys alǵash ret 2025 jyldyń qyrkúıeginde aıtylǵan bolatyn. Kóshe Turan dańǵylynan bastalyp, Qabanbaı batyr dańǵylyna deıin jalǵasady.
Qaýly resmı jarııalanǵannan keıin 10 kún ótken soń kúshine enedi. Qujat 10 maýsymda qabyldanǵan bolatyn.
Astanada birqatar aıaldamanyń ataýy ózgerdi
Eske sala keteıik, buǵan deıin Astana qalalyq máslıhatynyń otyrysynda depýtattar jeńil relsti kólik (LRT) jobasynyń ataýyn ózgertý týraly sheshim qabyldaǵan bolatyn. Talqylaýdan keıin máslıhat depýtattary «Tarlan Astana» degen nusqany biraýyzdan qoldady.