Astanada 18 maýsymda jalpy orta bilim týraly attestattardy saltanatty túrde tabystaý rásimi ótedi. Osy oraıda qala ákimdigi tarapynan ata-analar men túlekterge merekelik is-sharalar kezinde qaýipsizdik talaptary qatań saqtalý qajet ekeni eskertilip otyr, dep jazady Egemen.kz.
Atalǵan eskertý – túlekterdiń ómiri men densaýlyǵynyń qaýipsizdigin qamtamasyz etýdi kózdeıdi.
«Mektep bitirý keshterin meıramhanalarda, dámhanalarda, banket zaldarynda, demalys bazalarynda jáne tabıǵat aıasynda ótkizýge, avtokortej uıymdastyrýǵa, tańdy qarsy alý sharalaryn ótkizýge, sondaı-aq qatysýshylardyń qaýipsizdigine qaýip tóndirýi múmkin ózge de is-sharalardy uıymdastyrýǵa jol berilmeıdi», delingen ákimdiktiń habarlamasynda.
Sońǵy qońyraý: Elimizde 215 myńnan astam túlek mekteppen qoshtasty
Sondaı-aq attestat tapsyrý rásimin uıymdastyrý men ótkizý kezinde ata-analarǵa, zańdy ókilderge nemese oqýshylarǵa aqsha, syılyq, túrli jarnalar men ózge de materıaldyq zattar jınaýǵa qatań tyıym salynatyny eskertildi.
Bir aıdan soń mektep bitirý keshi ótedi: Qymbat kesh − mártebe me, ysyrap pa?
«Mektep bitirý keshiniń basty qundylyǵy – qymbat meıramhana men merekelik dastarqan emes. Onyń shynaıy máni – ustazdarǵa alǵys bildirý, mekteppen qoshtasý, synyptastarmen erekshe estelikterdi bólisý jáne bolashaqqa senimmen qadam basý. Ata-analar men túlekterdi osy aıtýly kúndi joǵary mádenı deńgeıde ótkizýge, qaýipsizdik talaptaryn saqtaýǵa jáne ózara jaýapkershilik tanytýǵa shaqyramyz», delingen habarlamada.
Buǵan deıin atalǵan máselege qatysty Májilis depýtaty Ashat Aımaǵambetov pikir bildirip, elimizdegi kóptegen merekeniń áldeqashan «dańǵoılyq jármeńkesine» aınalyp ketkenin aıtqan edi.