Eńbek jáne halyqty áleýmettik qorǵaý vıse-mınıstri Vıktorııa Shegaı áleýmettik jelide qyzý talqylanǵan jas ananyń sýretine qatysty pikir bildirdi, dep habarlaıdy Egemen.kz.
Brıfıng barysynda jýrnalıster vıse-mınıstrden nárestesin kóterip, arqasyna jetkizý qyzmetiniń sómkesin asynyp alǵan áıeldiń fotosyna qatysty kózqarasyn surady. Kópshilik bul áıeldiń dekrettik demalysta júrip, kýrer bolyp jumys isteýge májbúr bolǵanyn talqylaǵan.
Alaıda Vıktorııa Shegaı atalǵan jaǵdaıǵa naqty baǵa bere almaıtynyn aıtty. Ol sýrettiń qaı jerde túsirilgeni jáne áıeldiń naqty jaǵdaıy belgisiz bolǵandyqtan, máseleni jan-jaqty bilmeı turyp pikir aıta almaıtynyn jetkizdi.
Sonymen qatar vıse-mınıstr dekrettik demalystaǵy ananyń jumys isteýi nemese istemeýi kóbine otbasynyń qarjylyq jaǵdaıy men ishki sheshimine baılanysty ekenin atap ótti.
Alaıaqtardyń aılasy ózgerdi: Endi aqshany «kýrer» bolyp alyp ketedi
Jýrnalısterdiń málimetinshe, sýret Almaty qalasynda túsirilgen. Onda nárestesin qushaǵyna alyp, aptap ystyqta tapsyrys tasyp júrgen áıeldiń beınesi kópshiliktiń nazaryn aýdarǵan. Jeli qoldanýshylary birneshe kún boıy jas anany izdep, oǵan kómek kórsetýdi usynǵan.
Aıta keteıik, buǵan deıin áleýmettik jelilerde sábıin arbaǵa otyrǵyzyp, kýrer bolyp jumys istegen almatylyq áıeldiń vıdeosy keńinen taraǵan edi. Bul oqıǵa da qoǵamda qyzý talqylanyp, kópshiliktiń qoldaýyna ıe bolǵan.
Eske salaıyq, buǵan deıin Almatyda sábıimen kýrer bolyp júrgen áıeldiń atynan alaıaqtar aqsha jınaǵanyn jazǵan bolatynbyz.