Jaqynda Taılandta ótken Azııa chempıonatynda 14 jastaǵy talantty tennısshi Tatıana Nıkolenko aıdy aspanǵa shyǵaryp, qola medaldy qanjyǵasyna baılady. Tatıanaǵa demeýshilik jasaǵan «Kazsınk» seriktestigi.
Osydan segiz jyl buryn «Kazsınk» JShS-niń basshylary О́skemen qalasynyń mańynan zamanaýı talapqa saı «Smash» tennıs kortyn salyp bergen. Qazir munda bir mezgilde 250 bala jattyǵady.
– Tatıana talantty tennısshi, ol uzaq jyldar bizdiń ortalyqta jattyqty, qazir Almaty qalasynda sheberligin shyńdaýda. Qazir Azııa quramasyna irikteý júrip jatyr, quramaǵa engender jaz aıynda Eýropa týrnırine joldama almaq. Biz Tatıanadan úmit kútemiz. Sonymen birge tennıs ortalyǵynda sheberligin shyńdap júrgen basqa shákirtterimiz de Qazaqstannyń ataq-abyroıyn asqaqtata beredi degen senimdemiz, – deıdi «Kazsınk» JShS-niń ákimshilik jumystar jónindegi dırektory Andreı Pavlovıch Lazarev.
Tatıananyń ákesi Iýrıı Nıkolenko de qyzynyń baıraqty básekelerde asyǵy alshysynan túsetinine bek senimdi.
Jaraısyń, Tatıana!
Ońdasyn ELÝBAI,
jýrnalıst
О́skemen