AQSh prezıdenti Donald Tramp juma kúni soltústikkoreıalyq kóshbasshy Kım Chen Ynmen kezdesý 12 maýsymda ótetinin habarlady. Bul málimdeme taraptardyń birneshe apta boıy mámilege kele almaǵandarynan keıin jasaldy, dep habarlaıdy Rıonhap agenttigi.
Tramp Kım Chen Ynmen Aq úıdegi kezdesýden keıin dál osyndaı málimdeme jasady. Sammıt Soltústik Koreıanyń ıadrolyq baǵdarlamasyn jabý máselesin talqylaý úshin Sıngapýrde ótetinin aıtylǵan. «Biz kezdesýdi 12 maýsymda Sıngapýrde ótkizemiz. Baılanysymyz ary qaraı damýda, bul - qýantarlyq jaıt», - dedi Tramp Soltústik Koreıa prezıdentiniń jaqyn kómekshisi Kım Ion Chholmen Aq úıde ótken kezdesýden keıin.
Taraptar arasynda Soltútik Koreıanyń ıadrolyq baǵdarlamasyna jáne nátıjesindegi qaýipsizdiktiń kepiline qatysty kelispeýshilikteri bar. AQSh Soltústik Koreıanyń qandaı da kepil bermes buryn baǵdarlamany dereý joıǵanyn qalaıdy, alaıda Phenıan baǵdarlamadan birjaqty tártipke bas tartýdy tıimsiz dep oılaıdy. Tramp baspasóz qymetine málimdeme berý barysynda Soltústik Koreıa damyǵysy keletinin, sol sebepten ıadrolyq baǵdarlamany jabatynyn aıtqan. Alaıda, Soltústik Koreıanyń bul talapty qabyldaýy nemese qabyldamaýy týraly saýaldarǵa jaýap bermeı, barlyq másele 12 maýsymda sheshiletinin, ázirge eshqandaı qujattarǵa qol qoıylmaıtynyn aıtqan.
Kım Ion Chhol Tramppen Aq úıde kezdespes buryn Nıý Iorkte AQSh-tyń memlekettik hatshysy Maık Pompeomen Sıngarpýrde sammıt ótkizý týraly talqylaǵan. Kezdesýden keıin Pompeo kelissózderde ilgerileý baryn, alaıda alda úlken jumys kútip turǵanyn atap ótti.
Esterińizge sala ketsek, ótken aptada Tramp Kım Chen Ynge jazǵan ashyq hatynda «Phenıannyń jaýlyq kózqarasynp» baılanysty Soltústik Koreıaǵa qatysty sammıttiń ótkizilmeıtinin jetkizdi. Alaıda Soltústik Koreıanyń bitistirý týraly málimdemesinen keıin ol joǵary deńgeıde kezdesýdi ótkizý jóninde sheshim qabyldady. Budan keıin eki eldiń resmı tulǵalary sammıt ótkizýdiń búge-shigesin talqylaý úshin Soltústik jáne Ońtústik Koreıa shekarasynda, sonymen birge Sıngapýr aýmaǵynda kezdesýlerin jalǵastyra berdi.