Jaqynda О́skemende jalaýy jelbiregen HHI halyqtyq sport oıyndarynyń ashylý saltanatynda Phenchhanda ótken qysqy Olımpııa oıyndarynyń qola júldegeri, frıstaılshy Iýlııa Galyshevaǵa erekshe qurmet kórsetildi.
Ońtústik Koreıada elimizdiń abyroıyn asqaqtatqan sportshyǵa oblys ákimi Danıal Ahmetov bir bólmeli páter, 16 mıllıon teńgeniń sertıfıkaty men «Pejo» markaly avtokóliktiń kiltin saltanatty túrde tabys etti. Al qola júldegerdiń bapkeri Elena Krýglyhına men dúbirli dodaǵa qatysqan taǵy bir frıstaılshy Pavel Kolmakov qyzmettik páterdiń kiltterine ıe boldy. «Bizdiń oblystan kóptegen respýblıkalyq jáne halyqaralyq jarystardyń, Álem chempıonattary men Olımpııa oıyndarynyń jeńimpazdary, júldegerleri shyqqan. Olardyń qatarynda Olga Rypakova, Aıbek Nuǵymarov, Denıs Ýlanov pen Alekseı Poltoranın esimderin erekshe atap ótýge bolady. О́ńirde buqaralyq sporttyń damýyna aıryqsha kóńil bólinip keledi. Aımaq turǵyndaryna úsh myńnan astam sporttyq nysan men seksııalar qyzmet kórsetýde», dedi D.Ahmetov.
Reti kelgende aıta keteıik, oblys ákiminiń júldesi carapqa salynǵan HHI halyqtyq sport oıyndarynyń qorytyndysynda qalalar arasynda О́skemen top jarsa, aýdandar arasynda Tarbaǵataı sportshylary qarsylas shaq keltirmedi.
Azamat QASYM, «Egemen Qazaqstan»
О́SKEMEN