Qazaqstan Respýblıkasynyń Memlekettik hatshysy Gúlshara Ábdiqalyqovanyń tóraǵalyǵymen Memlekettik rámizder men vedomstvolyq jáne olarǵa teńestirilgen ózge de nagradalar geraldıkasy máseleleri jónindegi respýblıkalyq komıssııanyń otyrysy ótti. Bul týraly akorda.kz habarlady.
Komıssııa jumysyna Parlament depýtattary, ortalyq jáne jergilikti atqarýshy organdardyń basshylary, belgili qoǵam qaıratkerleri men ǵalymdar qatysty.
Jıyndy ashqan Gúlshara Ábdiqalyqova barlyq qatysýshylardy Memlekettik rámizder kúnimen quttyqtap, bul merekeniń bıyl el Táýelsizdiginiń sımvoly – Astana qalasynyń 20 jyldyq mereıtoıymen tuspa-tus kelip otyrǵanyn atap ótti.
Memlekettik hatshy quttyqtaý sózinde Elbasy N.Á.Nazarbaevtyń «Memlekettik rámizder – bizdiń memleketimizdiń, el egemendiginiń myzǵymas negizderiniń biri. Olar Otan táýelsizdiginiń biriktirýshi qasterli beınesin aıshyqtaıdy, óıtkeni biz memleket táýelsizdigin ultty saqtaýdyń túpki negizi, sheshýshi qundylyq retinde qarastyramyz» degen tujyrymyna toqtaldy.
Bas qosýda Aqparat jáne kommýnıkasııalar mınıstrliginiń, Astana qalasynyń, Qyzylorda jáne Aqtóbe oblystary ákimdikteriniń memlekettik rámizderdi nasıhattaý jáne qoldaný salasyna qatysty jumystarynyń ahýaly jónindegi esepteri tyńdaldy.
Sondaı-aq, Qazaqstan Respýblıkasynyń memlekettik rámizderdi qoldaný salasyndaǵy normatıvtik-quqyqtyq aktilerin jetildirý máseleleri qaraldy.
Komıssııa jumysynyń qorytyndysy boıynsha Qazaqstan Respýblıkasynyń Memlekettik hatshysy Gúlshara Ábdiqalyqova memlekettik organdar basshylaryna memlekettik rámizderdi nasıhattaý jáne qoldaný máseleleri, sonymen qatar osy saladaǵy zańnamalardy saqtaý jóninde birqatar naqty tapsyrma berdi.