Astana qalasynyń juqpaly aýrýlar emhanasyna túsken eki balanyń qanynda menıngıt bakterııasy tabylǵany rastaldy. Bul jóninde emhananyń bas dárigeri Sáýle Nurasheva málimdedi.
«29 mamyrda kelip túsken balanyń jaǵdaıy jaqsy. Em sharalary ýaqytynda júrgizilip, anasy men balasynyń jaǵdaıy jaqsardy. Naýqastyń 21 kún ishinde dertinen tolyq saýyǵatyny kútilýde. Aýrýhanaǵa 4 maýsym kúni jetkizilgen ekinshi balanyń menıngıt dıagnozy rastalyp, búginde tıimdi em sharalary júrgizilýde. Dertke ushyraǵan balalardyń jaqyndary da profılaktıkalyq emdeýden ótti» dep dáriger habarlady.
4 maýsym kúni Astana qalasynyń juqpaly aýrýlar emhanasynyń jan saqtaý bólimine eki jasar balanyń jetkizilgeni jóninde eske salamyz. Balanyń Aqmola oblysyna qarasty Arshaly aýdanynda turǵany atap kórsetildi.