Búginge deıin Ispanııa quramasyn jattyqtyrǵan Hýlen Lopetegı «Real» komandasynyń bas bapkeri bolyp taǵaıyndaldy. Osyǵan baılanysty Hýlen keshe resmı túrde Ispanııa quramasynyń bas jattyqtyrýshy qyzmetinen bosatyldy.
Klýb basshylyǵynyń habarlaýynsha, 51 jastaǵy Lopetegı «Real» komandasymen úsh jyldyq kelisimshartqa qol qoıǵan. Hýlen quramamen aradaǵy kelisimshartty merziminen buryn úzgeni úshin Madrıd ujymy Ispanııa quramasyna 2 mln eýro tóleıdi. Lopetegı Ispanııa quramasyn 2016 jyldan beri jattyqtyryp keledi. Ol búginge deıin quramamen 19 kezdesý ótkizip, birde-birinde jeńilmegen (13 jeńis jáne 6 teń oıyn).
Aıta keteıik, Lopetegı 1988-1991 jyldar aralyǵynda «Real» klýbynyń qaqpashysy retinde bir-aq ret alańǵa shyqqan.
Úzilisten keıingi alǵashqy jeńisAsa aýyr salmaqtaǵy álemniń eks-chempıony brıtanııalyq boksshy Taıson Fıýrı 2,5 jyldyq úzilisten soń úlken rıngke qaıta oralyp, birinshi jeńisine qol jetkizdi.
Brıtanııanyń Manchester qalasynda ótken 10 raýndqa josparlanǵan reıtıngtik jekpe-jekte albanııalyq Sefer Seferımen kezdesip, 4-raýndta tehnıkalyq nokaýtpen jeńdi. Fıýrı sońǵy kezdesýin 2015 jyly ýkraınalyq Vladımır Klıchkomen ótkizip, IBF, WBA jáne WBO chempıondyq beldikterin jeńip alǵan-dy.Budan soń ol 2016 jyly dopıng daýyna iligip, eki jylǵa bokstan shettetildi. jaza merzimi 2018 jyldyń sáýir aıynda aıaqtalyp, ol úlken rıngke qaıta oraldy.
Fettel – Kanada Gran-prıiniń jeńimpazyKanada Gran-prıinde máre syzyǵyn ekinshi bolyp «Mersedes» komandasynyń avtopıloty Valtterı Bottas, úshinshi «Red Býll» ókili Maks Ferstappen kesti. Al qazirgi álem chempıony Lıýıs Hemılton bul joly 5-orynmen shekteldi.
Fettel bul jeńisinen keıin jalpy esepte Hemıltonnan bir upaı alǵa ozyp, 121 upaımen kósh bastady. Al Hemılton 120 upaımen ekinshi orynǵa túsip qaldy. Valtterı Bottas 86 upaımen úzdik úshtikti qorytyndylap tur. Gran-prıdiń kelesi kezeńi 22-24 maýsym aralyǵynda Fransııada ótedi.
Daıyndaǵan
Yrysty QADIRBEK,
EUÝ stýdenti