Qazaq­stan­da «gemofılııa» dıagnozy bar 1273 naýqas esepte tur

Onda Densaýlyq saqtaý mınıstrligi tarapynan 2018 jylǵy ambýlatorııalyq jáne stasıonarlyq qamtama­syzdandyrýda gemofılııaǵa shaldyqqandar úshin dári-dármektiń satyp alý somasy 191,7 mlrd teńgeden asatyny, ıaǵnı málimdelgen qajettiliktiń 90 paıyzyna saı keletini jáne onyń 75 paıyzynyń aımaqtarǵa jetkiziletini, alaıda ulttyq quqyq qorǵaý mekemesine azamattardyń qajetti dári-dármekterdi ala almaı otyrýyna qatysty aryzdar túsip jatqany aıtylǵan.

Ombýdsmenniń aıtýyn­sha, «Qazaqstan múgedekter qaýymdastyǵy – gemofılııaǵa shaldyqqandar» qoǵamdyq bir­les­tigi osy ýaqytqa deıin gemofılııamen aýyratyn adamdardan Batys Qaza­q­­stan, Atyraý, Aqmola, Sol­tús­t­ik Qazaqstan jáne Ońtús­tik Qazaqstan oblystarynan aryz-shaǵym­dar túsip otyr­ǵanyn jazyp, dárimen qam­tylýda keń aspektide mańyz­dy júıe­lik problemalar tiz­begi barlyǵyn jetkizdi. Bul jaıt densaýlyq saqtaý sala­­­syn­daǵy úkimettik emes uıym­­­dardyń Almaty qala­syn­­da ótken baspasóz kon­fe­ren­­­sııa­synyń qory­tyndy­larynda rastalǵanyn da atap kórsetken.

Qazirgi ýaqytta Qazaq­stan­da «gemofılııa» dıagnozy bar 1273 naýqas esepte tur­ǵanymen (841 – eresek adam­dar, 432 – balalar), olar­ǵa salalyq maman – gema­to­logtardyń ornyna ýchaskelik terapevtter medısınalyq qyzmet kórsetip, osy sanat­taǵy naýqastardyń kásibı mamandarǵa zárýligi aıqyn sezilýde. Al gemo­fılııaǵa ushy­­raǵan naýqas­tar gema­tologtyń mamandan­dyryl­ǵan kómegine ǵana emes, son­daı-aq tis dári­ger­­leri­niń, hırýrg­terdiń, trav­ma­to­­log­tar­dyń, psı­­h­o­log­­tar­dyń sala­lyq mama­ndan­dyrylǵan kóme­gine de zárý. Atalǵan bas­pa­sóz konferensııa­sy bary­synda gemofılııa­men aýyra­­tyn balalardyń ata-analary salalyq mamandar­dyń olardyń balalaryn emdeý­den bas tartqandyǵy týrasynda da málimdegen.

Sondaı-aq Adam quqyq­ta­ry jónindegi ýákil Úkimettiń naza­ryn erte kezden aýrýdy dıag­nostıkalaý, emdeý, profılaktıka, naýqastardy ońaltý úderisterin júzege asyratyn mekeme qurý qajet­tigine aýdardy.

Anar TО́LEÝHANQYZY,

«Egemen Qazaqstan»