Ýımbldonda kil myqtylar ǵana qaldy

Ýımbldon týrnıriniń tusaýy sonaý 1877 jyly kesildi. Al­ǵa­shynda erler ózara sheberlik baı­qassa, arada jeti jyl ótkennen soń olardyń qataryna áıelder qo­syldy. Odan keıin juptyq já­ne aralas juptar arasynda saıys­tar uıymdastyryla bas­tady. Jyldar ótken saıyn Ýımbldonnyń bedeli kúrt ar­typ, ol «Úlken dýlyǵa» sana­tyndaǵy máni men mańyzy zor ári júldelik qory asa mol jarys­tardyń birine aınaldy.

Ulybrıtanııa tórinde talaı rekordtyq kórsetkish ornatyldy. Máselen, Shveısarııanyń maq­ta­nyshy Rodjer Federer jekelegen saıysta 8 márte top jarsa, AQSh-tyń qos serkesi – Ýılıam Renshoý men Pıt Sampras 7 retten jeńimpaz atandy. Al áıelder arasyndaǵy eń úzdik nátıje HH ǵasyrdyń jetpisinshi jáne sekseninshi jyldary atoı salǵan Martına Navratılovaǵa tıesili. Áýeli Chehoslovakııanyń týy astynda óner kórsetip, keıin­nen AQSh azamattyǵyn alǵan áıgili tennısshi 9 týrnır­de qarsylas shydatpady. Amerıkalyq Helen Ýılls-Mýdı 8 márte teńdessiz dep tanylsa, ulybrıtanııalyq Do­roteıa Lambert-Chambers, ger­ma­nııa­lyq Shteffı Graf jáne AQSh-tyń taǵy bir juldyzy Se­rena Ýı­lıams 7 retten dara shyq­ty. 

Ýımbldonnyń erler týr­nırinde amerıkalyq Gardnar Malloıdyń esimi eń qart chem­pıon retinde tirkeldi. Ol 43 jas­tan asqan shaǵynda shashasyna shań juqtyrmady. Germanııalyq Borıs Bekkerge bul beles nebary 17 jasynda baǵyndy. Osylaısha nemis jigitiniń esimi eń jas chempıon retinde sporttyq shejirege jazyldy. Áıelder arasynda Martına Navratılovaǵa tańdanbaý múmkin emes. Ol 46 jasynda jasyndaı jarqyrasa, Shveısarııanyń jas juldyzy Martına Hıngıs 16 jasynda aldyna jan salmady. 

2010 jyly amerıkalyq Djon Izner men fransııalyq Nı­ko­lıa Maıý arasynda ótken match ba­qandaı 11 saǵat 5 mınýtke so­zyldy. «Jan alysyp, jan be­ris­ken» bul aıqas 6:4, 3:6, 6:7, 7:6, 7:6 esebimen alǵashqysynyń paı­dasyna sheshildi. Dál sol jyly AQSh oıynshysy Teılor Dent­tiń baǵyttaǵan doby saǵa­tyna 238 shaqyrymdyq jyldam­dyq­pen zymyraǵan eken. Mine, osylaı tizbekteı bersek, 141 jyldyq ta­rı­hy bar Ýımbl­don týr­nırin­de talaı tańdaı qaǵar­lyq re­kordtardyń tirkelgenine qanyq bolamyz.     

Bıylǵy týrnırdiń júlde qo­ry 34 mıllıon fýnt sterlıngti (44 617 810 dollar) qurap otyr. Qazirgi kezde jarys jolynda kil myqtylar ǵana qaldy. Solardyń arasynan kimniń ozatyny aldaǵy kúnderi anyqtalady. Bir anyǵy, erler men áıelderdiń jekelegen saıysynda jeńimpaz atanǵan oıynshy 2 250 mıllıon fýnt sterlıngti ıelenedi. Fınalda utylǵan tennısshi sol somanyń teń jartysyn enshileıdi. Jar­­tylaı fınalǵa joldama alǵan­dar 562 myńdy oljalasa, shırek fı­nalǵa shyqqandar 281 myńǵa ıelik etedi. Qazaqstannyń qos ten­nısshisi Ýımbldonnyń ekin­shi aınalymynda óner kórsetkeni jaıynda joǵaryda aıttyq. Sol mejege jetkeni úshin Mı­haıl Kýkýshkın men Iýlııa Pýtınsevanyń esepshotyna 63 myń fýnt sterlıng aýdaryldy. 

Ǵalym SÚLEIMEN,  «Egemen Qazaqstan»